PM:05:42:30/04/2024
88 جار خوێندراوەتەوە
+
-
لسەر داخازا وەزارەتا سامانێن سروشتیێن حکومەتا رێڤەبرنا کارێن هەرێمێ بەغدا رۆژانە ٦٢٠ تەنێن غازا مالان بۆ هەرێمێ دێ هنێریت.
ئەڤڕۆ سێشەمبی، وەزارەتا سامانێن سروشتیێن حکومەتا رێڤەبرنا کاران راگەهاند، رۆژانە تا دەمێ زەڤیێن کۆرمۆر دەست ب بەرهەمئینانا غازێ دکەن حکومەتا فیدرال ٦٢٠ تەنێن غازا مالان دێ بۆ هەرێمێ هنێریت ژبووی تژیکرنا کورتئینانێ غازا مالان ل پارێزگەهێن هەرێمێ.
ئەو یەکژی بەرچاڤکر، غاز ژ هەردوو کۆگەهێن تاجی و ناسرییە دێ هێتە دابینکرن تا وی دەمێ زەڤیێن کۆرمۆر دەست ب بەرهەمئینانا غازێ دکەن.
ئەڤەژی پشتی وێیەکێ دهێت، ئێڤاریا ئەڤڕۆ ئەینی، ب بالەفڕێن بێ بالەفڕڤان هێرش بۆ سەر زەڤیێن غازا کۆرمۆر هاتە ئەنجام دان. د ئەنجام دا چار کەسان ژیانا خۆ ژ دەستدان و سێ کەسێن دی برینداربوون.