AM:10:06:29/03/2024
288 جار خوێندراوەتەوە
+
-
ساخلەمیا دهۆکێ راگەهاند، ژبەر پێگیرنەبوون ب
رێنمایێ ساخلەمیێ دوو کلینیکێن نوژداری و سەمونخانەیەک هاتنە داخستن.
رێڤەبەریا ساخلەمیا دهۆکێ ڕاگەهاندنەک
بەلاڤکر و تێدا هاتیە، ل زاخۆ دوو کلینکێن نوژداری یێن تیمارکرنا برینان ژبەر
پێگیرنەبوونا وان ب رێنمایێن ساخلەمیێ هاتنە داخستن و دێ هێنە سزادان.
ئاماژە ب وێ یەکێ ژی کر، رۆژانە لژنەیێن وان ب
مەرەما نەهێلانا بنپێکاریان سەرەدانا جهێن جودا جودا دکەن.
د ڕاگەهاندنەکا جودا دا، رێڤەبەریا ساخلەمیا دهۆکێ
بەحسا وێ یەکێ کر، سەمونخانەیەکا ناڤ باژێرێ زاخۆ ژبەر کو پێگیری رێنمایێن ساخلەمیێ
نەبوویە هاتە داخستن و هایداری ب سێ نانپێژیان هاتیەدان کو پێگیری رێنمایان بن.
ئەڤە د دەمەکی دایە، چەند رۆژێن دەربازبووی قائیمقامیا
دهۆکێ ڕاگەهاندبوو، کارگەهەکا شریناهیان ل دهۆکێ هاتە دائێخستن و دەست ب سەر 106 کیلۆیێن
زەلابیێن خرابووی دا هاتە گرتن.