PM:01:35:28/04/2024
292 جار خوێندراوەتەوە
+
-
دژی نەبوونا
خزمەتگوزاریان، خۆنیشاندانا وەلاتیان دەست پێکر و وەلاتیێن وی باژێری دبێژن،
"باژێرێ مە ژ هەمی خزمەتگوزاریان هاتیە پشت گوهـ هاڤێتن".
وەلاتیێن پینجوێن بەحسا
وێ یەکێ دکەن، هەیاما پینج سالانە چاڤەرێ نە حکومەتا رێڤەبرنا کاران بەرسڤا وان
بدەت.
ئاماژە ب وێ یەکێ ژی دکەن،
ئاریشەیێن وان زۆرن و هەیاما 12 سالانە هاتینە پشت گوهـ هاڤێتن و چ خزمەتگوزاری ل
باژێرێ وان نینە.
ئەو یەکژی بەرچاڤکر، وان
ئاریشەیا نەبوونا کارەبێ هەیە و جاددەیێن وان گەلەک خراب بووینە.
دبێژن ژی، حکومەتا
ریڤەبرنا کاران ل جهێ کو خەلکی ئاشت بکەت وان زێدەتر ئازار ددەت و خزمەتا خەلکێ خۆ
ناکەت.
ئەو یەکژی بەرچاڤکرن، تا بنجهـ نەئینانا داخازیێن وان دێ
بەردەوام بن ژ خۆنیشاندانێ، دبێژن ژی، داخازیێن وان نەهێنە بجهئینان دێ رێکا
دەرازینکا باشماخ دائێخن.
ئەڤە د دەمەکی دایە، د
هەیاما دەربازبووی دا وەلاتیێن پێنجوێن ب مەرەما داخازکرنا خزمەتگوزاریان و باشترکرنا
کارەبا وێ قەزایێ خرڤەبوون، لێ پشتی پێنج مەهان ژ خۆنیشاندانی حکومەتا ریڤەبرنا
کاران بەرسڤا وان نەدا.