PM:10:57:28/04/2024
48 جار خوێندراوەتەوە
+
-
رێڤەبەریا هاتن و چوونا هەولێرێ ڕاگەهاند، ب مەرەما پاراستنا ژیانا
وەلاتیان و شۆفێران بڕیاردان ب داخستنا تونێلا پیرمام ب روویێ باڕهەگران دا و ئەو
بڕیارە ژ سوبەهی ڤە دێ چیتە د بیاڤێ جێبەجێکرنێ دا، دبێژیت ژی، "باڕهەلگر
دشێن رێکا بەستۆرە و مەکردان بکاربئینن".
ئەڤرۆ ئێکشەمبی، رێڤەبەریا هاتن و چوونا هەولێرێ
ڕاگەهاندنەک بەلاڤکر و تێدا هاتیە، ژ پێخەمەت پاراستنا ژیانا وەلاتیان و
بەرژوەندیا گشتی و ژ پێخەمەت پاراستن و سەلامەتیا شۆفێران بڕیارا داخستنا تونێلا
پیرمام دا ب روویێ بارهەلگران دا.
ئاماژە ب وێیەکێ ژیکر، ئەو بارهەلگرە دشێن رێکا بەستۆرە – بەربیان –
شێخ توراب – مەکردان – تا دگەهیتە جووت سایدێ باسرمە بۆ هاتن و چوونێ و ڤەگۆهاستنێ
بکاربئینن.
گوت ژی، "هاتن و چوونا بارهەلگران د وێ تونێلێ دا دبیتە سەدەمێ
دروستبوونا قەرەبالغیێ د وێ تونێلێ دا و ئەڤە ژی مەترسیێ ل سەر شۆفێران و وەلاتیان
دروست دکەت".
بەحسا وێیەکێ ژیکر، تونێلا پیرمام رێکەکا گەشتیاری و ئابووری یە ل
دەڤەرێ ژبەر ڤێ ژی هاتن و چوونا بارهەلگران د وێ تونێلێ دا قەدەغەیە و ئەو بڕیارە
ژی ل رۆژا دووشەمبیێ ٢٩ـی نیسانا ئەڤسالە دێ چیتە د بیاڤێ جێبەجێکرنێ دا.