ئاژانسی رۆیتەرز لە زاری چەند چاوگێکەوە باسی لەوەکردووە، تاڵیبان لەڕێگەی "وەزارەتی هاندان بۆ کاری باشە و رێگری لە بەدڕەوشتی" خاڵی چاودێری داناوە و هەر کارمەندێک ریشی نەهێشتبێتەوە یاخود لە دابونەریت لابدات رێگەی پێنادرێت بچێتە فەرمانگەکە و دواتریش لە کارەکەی دووردەخرێتەوە.
ئاژانسی رۆیتەرز ئاماژەی بەوەشکردووە، وەزارەتەکە ئەمڕۆ دووشەممە لە دەروازەکانی سەرجەم فەرمانگەکانی حکومەتدا چاودێری داناوە و پشکنین دەکات کە ئایا کارمەندەکان ڕیشیان هێشتووەتەوە و پابەندن بە دابونەریت لە ڕووی پۆشینی جل و بەرگەوە یاخود نا.
ئاماژەی بەوەشکردووە،
رێنمایی بە هەموو فەرمانبەرانی حکومەت دراوە کە ڕیشیان نەتاشن و جلوبەرگی "کلتوریی
ئەفغانی" بپۆشن، کە لە کراسێک و پانتۆڵێکی درێژ و فش و کڵاو یان عەمامە پێکهاتووە.
باس لەوەشکراوە،
کارمەندەکان پێیان وتراوە لەمەودوا ناتوانن بچنە ژوورەوەی نوسینگەکان و لەکۆتاییدا
دەردەکرێن ئەگەر پابەندی ئەو شێوازی پۆشینی جلوبەرگە نەبن.
ئەمەش دوای بڕیارێکی
دیکەی تاڵیبان دێت کە هەفتەی رابردوو رایگەیاند، ژنان ناتوانن بە بێ یاوەرێکی نێر
گەشتی ناوخۆیی و نێودەوڵەتی بکەن. هەروەها تاڵیبان شکستی هێنا لە کردنەوەی خوێندنگاکانی
کچان کە پێشتر بەڵێنی دابوو بە
داخراوی نەیانهێڵێتەوە.
رۆژی یەکشەممەی
ئەم هەفتەیەش، بڕیاریدا باخچە و پارکەکان بۆ هەردوو رەگەزی نێر و مێ جیا بکرێنەوە
و ژنان تەنها سێ رۆژ لە هەفتەیەکدا دەتوانن سەردانی پارکەکان بکەن، پیاوانیش چوار
رۆژ لە هەفتەیەکدا.