PM:10:21:28/04/2024
28152 جار خوێندراوەتەوە
دەستەی کەشناسی عێراق رایگەیاند، لە سبەینێوە شەپۆلێکی بارانبارینی کەم روو لە ناوچەکانی عێراق دەکات و لە رۆژی سێشەممە و چوارشەممەدا دەگۆڕێت بۆ بارانبارینی مامناوەند و بەخوڕ لەگەڵ دابەزینی بەرچاوی پلەکانی گەرما. دەشڵێت، لە رۆژی پێنجشەممەدا کاریگەری شەپۆلەکە لاواز دەبێت.
ئەمڕۆ یەکشەممە، دەستەی کەشناسی عێراق رایگەیاند، سبەی دووشەممە ئاسمانی تەواوی ناوچەکانی عێراق هەور و نیمچەهەور دەبێت لەگەڵ ئەگەری بارانبارینی کەم و پلەکانی گەرما دادەبەزن بەشێوەیەک لە ناوچەکانی ناوەڕاست ٣٥ بۆ ٣٧ پلە دەبێت و ناوچەکانی هەرێمی کوردستانیش ٣٤ بۆ ٣٦ پلە و ناوچەکانی باشووری عێراقیش ٣٣ بۆ ٣٧ بلە دەبن.
ئاماژەی بەوەش کرد، رۆژی سێشەممە کەشی عێراق بە گشتی هەور دەبێت لەگەڵ
بارانبارینی مامناوەند و بەخوڕ و پلەکانی گەرما بەشێوەیەکی بەرچاو دادەبەزن.
ئەوەشی خستە روو، لە رۆژی چوارشەممەی ئەم هەفتەیەشدا هاوشێوەی رۆژانی
پێشوو ئاسمانی عێراق هەور دەبێت لەگەڵ بارانبارینی مامناوەند و روودانی هەورە
بروسکە، هەروەها پلەکانی گەرما بەراورد بە رۆژی سێشەممە کەمتر دەبنەوە.
باسی لەوەش کرد، لە رۆژی پێنجشەممەدا کاریگەری شەپۆلی بارانبارینەکە
لاواز دەبێت تەنها لە چەند ناوچەیەکی بارانی مامناوەند دەبارێت.
