سەردێڕ:

دەست بە دابەشکردنی مووچەی مانگی نیسان دەکرێت

AM:10:16:14/05/2024

96872 جار خوێندراوەتەوە

چاوگێک لە وەزارەتی دارایی و ئابووری حکومەتی کاربەڕێکەر بە ئێن ئاڕ تی راگەیاند، ئەمڕۆ سێشەممە، دەست بە ناردنی پارەی مووچەی مووچەخۆرانی هەرێم دەکرێت لەلایەن بەغداوە و لە دوو رۆژدا تەواوی وەزارەتەکانی هەرێم پارەدار دەکرێن، دوای پارەدارکردنەکەش دەست بە دابەشکردنی مووچە دەکرێت.


چاوگێک لە وەزارەتی دارایی و ئابووری حکومەتی کاربەڕێکەر بە ئێن ئاڕ تی راگەیاند، ئەمڕۆ و سبەی تەواوی پارەی مووچەی مووچەخۆرانی هەرێم کە ٩٥٠ ملیار دیارە لە بەغداوە دەنێردرێت و سەرجەم وەزارەتەکان پارەدار دەکرێن.

باسی لەوەشکرد، لەگەڵ گەیشتنی پارەکەی بەغدا لیستی مووچە رادەگەیەنرێت و دەست بە دابەشکردنی مووچە دەکرێت.

دوێنێ دووشەممە، چاوگێک لە وەزارەتی دارایی حکومەتی کاربەڕێکەر بە ئێن ئاڕ تی راگەیاند، وەزارەتی دارایی عێراق رەزامەندی داوە بە ناردنی مووچەی مانگی نیسانی خانەنشینان و کەسوکاری شەهیدان و ئەنفالکراوان و چاودێری کۆمەڵایەتی. باسی لەوەشکرد، یەکەم گوژمەی پارەکەی بەغدا دەینرێت ١٣٠ ملیار دینارە و تایبەتە بەو سێ توێژە.

مووچەخۆرانی هەرێم لە ناوەڕاستی مانگی ئایاردان، بەڵام هێشتا مووچەی مانگی نیسانیان وەرنەگرتووە و حکومەتی عێراق دەستی کردووە بە ناردنی پارە، بەڵام حکومەتی کاربەڕێکەر دەڵێت دەست بە دابەشکردنی مووچە ناکەن تاوەکو سەرجەم پارەکەیان بەدەست نەگات.

هێرش قادر، هەولێر

 













گەلەری