سەرۆکی هەرێمی کوردستان رایگەیاند، هەرێمی کوردستان لە ئەزمونی شانشینی عەرەبی فێربووە و ئێستاش ئاستی وزە باشترە لە جاران. دەشڵێت، "هەرێمێکی سەربەخۆ لە روی ئابوریەوە هەڕەشە نیە بۆ سەر عێراق و هاوبەشەکانمان و پێکەوە ئاستەنگەکان بەڕێدەکەین".
ئەمڕۆ دووشەممە، مەسرور بارزانی سەرۆکی حکومەتی هەرێمی کوردستان لە چوارچێوەی بەشداریکردنی لە کۆڕبەندی جیهانی وزە رایگەیاند، "ئێمە توشی ئاستەنگی زۆر بوین و کۆتا دانەش ئەوەبوو لە دادگای بەناو فیدڕاڵی نادادپەروەریمان بەرامبەرکرا، بەڵام هێشتا ئێمە پەرە بە توانای وزەیی خۆمان دەدەین."
ئاماژەی بەوەشدا، "ئێمە ئێستا لە کوردستان بەرهەمی
قوربانی خۆمان دەخۆین و دەتوانین خزمەت بە بازاڕی نێودەوڵەتیش بکەین و پلانمان
هەیە خواستی هاوڵاتیانمان بۆ وزە لە ناوخۆ
بەدیبهێنین."
سەرۆکی حکومەت ئاشکراشیکرد، "دڵنیام کە کوردستان
دەبێتە دابینیکارێکی باشی وزە بۆ جیهان لەو کاتەی جیهان خواستی لەسەر بێت و وڵاتەکەمان
دەتوانێت غاز هەناردە بکات بۆ عێراق و تورکیا و ئەوروپا و لە داهاتوشدا بۆ جیهان."
باسی لەوەشکرد،
حکومەتی هەرێم تەواوی هەوڵەکانی خستۆتە
گەڕ بۆ هەناردەکردنی نەوت و غاز و ئەمەش دەرگای نوێ لەبەردەم بازرگانی عێراق دەکاتەوە.
دەربارەی هەناردەکردنی نەوتیش سەرۆکی هەرێم رایگەیاند،
هەرێمی کوردستان رۆژانە ٥٠٠ هەزار بەرمیل نەوت هەناردە دەکات.