ئاماژەی بەوەشدا، لە سەرەتای ئەم هەفتەیەوە ئاسمانی وڵات ساماڵ دەبێت و پلەکانی گەرما بۆ ژێر سفر نزمدەبنەوە، جگە لە هەندێ ناوچەی بەشی رۆژهەڵات، کە دەکاتە هەرێم، ئەگەری بارینی باران و بەفری هەیە.

ئەوەشی خستووەتەڕوو، بارستە هەواکە، بارستەهەوایەکی جەمسەرییە و بە سایبیری ناسراوە و لە ئێوارەی رۆژی پێنجشەممەوە کاریگەری لەسەر ناوچەکە و وڵات دروست کردووە.

دەشڵێت، بەهۆکاری ئەوەی بارستە هەواکە وشک و ساردە جۆرێک لە جێگیری لە کەشوهەوادا دروستکردووە و ئەمەش تا رۆژانی داهاتوو بەردەوام دەبێت.

ئەمە لەکاتێکدایە، ئاسۆ کەمال بەڕێوەبەری کەشناسی سلێمانی بە ئێن ئاڕ تی راگەیاند، ئەگەری هاتنی شەپۆلێکی دیکەی بەفربارین دەکرێت لە کۆتایی هەفتەدا، بەڵام کەش و هەوا بەشێوەیەکی خێرا دەگۆڕێت و زانیارییەکان بەردەوام نوێدەکرێنەوە و جارێ بە فەرمی راگەیاندراویان نابێت.

هاوکات، لە راگەیەنراوێکی دیکەیدا، بەڕێوەبەرایەتی کەشناسی ئاماژەی بەوەدا، رۆژی شەممە پێشبیبنیدەکرێت لە هەرێم ئاسمان ساماڵ و پەڵەهەور و سارد بێت، بەڵام پلەکانی گەرما لە رۆژدا بەرزتر دەبنەوە لە رۆژانی رابردوو و لە شەودا وەک خۆیان دەمێننەوە.

ئەوەش هاتووە، رۆژی یەکشەممە لەسەرتاسەری وڵاتدا ئاسمان ساماڵ دەبێت و بەرزترین پلەکانی گەرماش کەمێک بەرزدەبنەوە، بەڵام هیچ گۆڕانێک لە پلە نزمەکاندا روونادات، بەمەش کەشە ساردەکە بەردەوامدەبێت.

لەبارەی پێشبینییەکانی کەش و هەوای رۆژی دووشەممە، کەشناسی عێراق ئەوەی خستووەتەڕوو، ئاسمانی هەرێم هەوری تەواو دەبێت و پلەکانی گەرما هاوشێوەی رۆژی پێشتردەبن و ئەگەری بارانبارینیش هەیە. دەشڵێت، لەناوچە شاخاوییەکان بەفر دەبارێت.