AM:11:15:21/01/2022
6884 جار خوێندراوەتەوە
لیژنەی فەتوای سلێمانی رایگەیاند، نوێژی هەینی دەکرێت لە مزگەوتەکان بەڵام ئەو کەسانەی لە مزگەوتەکانەوە دوورن و توانایان نییە بگەن بە مزگەوتەکان واجب نییە لەسەریان و ئاساییە لە ماڵەوە نوێژەکە ئەنجامبدەن.
دکتۆر محەمەد، سەرۆکی لیژنەی فتوای سلێمانی بە ئێن ئاڕ تی راگەیاند، ئەمڕۆ هەینی نوێژی هەینی لە مزگەوتەکانی سلێمانی ئەنجامدەدرێت و هەر مامۆستایەک بتوانێت بچێت بۆ مزگەوت ئەوا دەچن و ئەوانەشی کە ناتوانن بچن دەتوانن کەسێک لە شوێنی خۆیان دابنێن.
ئاماژەی
بەوەشکرد، چوونی ئەو کەسانەی کە دوورن لە مزگەوتەوە واجب نییە لەسەریان و دەتوانن
لە ماڵەوە نوێژبکەن و هەرکەسێکیش بە ویستی خۆی توانی بچێت بۆ مزگەوت دەتوانێت
بچێت.
ئەمەش لە
کاتێکدایە، هەر ئەمڕۆ لیژنەی فریاگوزاری سلێمانی ئاگاداری
هاوڵاتیان و شۆفێرانی کردەوە کە هێشتا شەقامەکانی ناو شار و دەرەوەی شار بەستەڵەکە
و مەترسی رووداوی هاتوچۆی هەیە، داوای لە خەڵکیش کرد لەماڵەکانیان بمێننەوە و نەیەنە
دەرەوە تا چەند کاتژمێرێکی داهاتوو بۆ ئەوەی سەلامەت بن.
