AM:10:10:21/01/2022
5944 جار خوێندراوەتەوە
بەرەبەیانی ئەمڕۆ هەینی، ژمارەیەک چەکداری داعش هێرشیان کردە سەر بنکەیەکی سوپای عێراق لە قەزای خاڵسی سەر بە پارێزگای دیالە و بەهۆیەوە ١١ سەربازی سوپای عێراق کوژران.
نیهاد محەمەد وتەبیژی پۆلیسی دیالە بە ئێن ئاڕ تی راگەیاند، هێرشەکە لە کاتژمێر سێی بەرەبایندا کراوە و و هێرشەکە بۆ سەر یەکێک لە سریەکانی فیرقەی یەکی سوپای عێراق بووە لە ناحیەی عوزێمی سەر بە قەزای خاڵس و ئەوەی تائێستا زانراوە بەهۆی هێرشەکەوە ١١ کەس کوژراون کە ئەفسەریشی تێدایە.
وتەبێژی
پۆلیس ئاماژەی بەوەشکرد، سوود لە دۆخی ساردوسەرما و کەشوهەوا وەرگیراوە و تەرمەكان گواستراونەتەوە بۆ قەزای خالس و نزیکەی ١٠ کەسیش برینداربوون
بەهۆی هێرشەکەوە، وتیشی "هیزی زۆری سوپا گەیشتووتە ناوچەكە و سەرقاڵی گەڕانن
بەدوای چەکدارە هەڵاتووەکاندا.
هەرچەندە لەساڵى ٢٠١٧ حکومەتى عێراق کۆتاییهاتنى
داعشى راگەیاند، بەڵام ناو بە ناو چەکدارانى سەر بەو گروپە هێرش دەکەنە سەر هێزە ئەمنییەکان
و هاوڵاتیان، لە ماوەی رابردووشدا هێرشەکانیان زیاتر کردووە.
