بەڕێوەبەری هاوچۆی دەربەندیخان بە ئێن ئاڕ تی راگەیاند، لە ئێستادا رێگەی سەرەکی نێوان سلێمانی – دەربەندیخان کراوەتەوە.
ئەمڕۆ چوارشەممە، رێژەن بورهان بەڕێوەبەری هاتوچۆی دەربەندیخان بە ئێن ئاڕ تی راگەیاند، رێگای نێوان دەربەندیخان - سلێمانی كرایەوە كەپیشتر بەهۆی سەرماوە بەستبووی.
ئاماژەی
بەوەشدا، ئەگەری زۆرە شەو جارێكی دیکە بیبەستێتەوە
و ئاستەنگ بۆ هاتوچۆ دروستبکات و رێگاکە دابخرێتەوە.
ئەمە لەکاتێکدایە،
سەرلە بەیانی ئەمڕۆ رێژهن بورهان لێپرسراوی هاتوچۆی قهزای دەربەندیخان لە
راگەیەنراوێکدا ئاماژەی بەوەدا، شۆفێرانی سنورهكه و رێگهی سهرهكی دهربهندیخان
– سلێمانی و دهربهندیخان – كهلار ئاگادار دهكاتهوه، بههۆی بارینی بهفرهوه
هاتوچۆ له رێگاوبانهكاندا وهستاوه و ژمارهیهك ئۆتۆمبێل لهناو بهفر گیریان
خواردوه تهنها توانراوه سهرنشینهكانیان رزگار بكرێن.
لە شەوی رابردووەوە
شەپۆلێکی بەفربارین و نزمبوونەوەی پلەکانی گەرما رووی لە هەرێمی کوردستان کردووە و
لە ناوەندی پارێزگاکانی هەولێر و دهۆک و سلێمانی و هەڵەبجە و ئیدارەکانی زاخۆ و سۆران
و راپەڕین بەفربارین دەستی پێکردووە و ئاستەنگی هاتوچۆی بۆ شۆفێران و هاوڵاتییان
دروستکردووە و بەهۆیەوە رێگای سەرەکی نێوان چەندین پارێزگا و ناوچەی جیاجیا
داخراون. هاوکات، جگە لە پارێزگای سلێمانی لەسەرجەم پارێزگا و یەکە ئیدارییە سەربەخۆکانی
هەرێم دەوامی فەرمی راگیراوە.
بڕیار جاف - کەلار