بەڕێوەبەرایەتی هاتوچۆی هەولێر رایگەیاند، شۆفێران و هاوڵاتییان ئاگادار دەکاتەوە چەند رێگایەک پارێزراونین و مەترسی روودانی هاتوچۆییان لەسەرە، بۆیە داوادەکەن تەنانەت بۆ دۆخی پێویستیش نابێت بەکار بهێنرێن.
ئەمڕۆ پێنجشەممە، بەڕێوەبەرایەتی هاتوچۆی هەولێر راگەیەنراوێکی بڵاوکردەوە و تیایدا هاتووە، "سەرجەم شوفێران و هاوڵاتیانی ئاگاداردەکەینەوە، کەوا بەهۆی نالەباری کەشوهەوا و دابارینی بەفر، ئەو رێگایانەی خوارەوە سەلامەت نین بۆ بەکارهێنان".
دەشڵێت، "داوایان لێدەکەین کەبەهیچ شێوەیەک بەکاریان
نەهێنن، تەنانەت بۆ حاڵەتی زۆر پێویستیش".
راگەیەنراوەکە
ئاماژەی بەوەشداوە، رێگاکان بریتین لە :
١-رێگای هەولێر_
شەقڵاوە.
٢-رێگای هەولیر
_کۆیە بەتایبەتی لەبەردەباز تاکو کۆیە.
٣-رێگای شەقڵاوە_
هیران.
٤-رێگای دەربەندی
گۆمەسپان بۆسەرچیای سەفین و کەپکی گەرۆتە.
٥-رێگای زینەتیر_
بالیسان_ رانیە.
٦-رێگای کۆیە_ هەیبەسولتان.
٧-رێگای کۆیە_ کەلکە
سماقە.
لە شەوی رابردووەوە
شەپۆلێکی بەفربارین و نزمبوونەوەی پلەکانی گەرما رووی لە هەرێمی کوردستان کردووە و
لە ناوەندی پارێزگاکانی هەولێر و دهۆک و سلێمانی و هەڵەبجە و ئیدارەکانی زاخۆ و سۆران
و راپەڕین بەفربارین دەستی پێکردووە و ئاستەنگی هاتوچۆی بۆ شۆفێران و هاوڵاتییان
دروستکردووە، جگە لە پارێزگای سلێمانی لەسەرجەم پارێزگا و یەکە ئیدارییە سەربەخۆکانی
هەرێم دەوامی فەرمی راگیراوە.