مەسعود بارزانی سەرۆکی پارتی لەبارەی ناساندنی بەشێک لەناوچەی هەورامان بە ناوچەی شوێنەواریی لەلایەن یونسکۆوە پەیامێکی بڵاوکردەوە و تیایدا هاتووە، "هەورامان ناوچەیەكی گرنگی كوردستانە كە هەمیشە ڕۆڵی بەرچاوی لە فەرهەنگ و ئەدەب و مێژوو و شۆڕش و سیاسەت و بزاڤی ڕزگاریخوازی كوردستاندا هەبووە."
ئەمڕۆ
چوارشەممە، مەسعود بارزانی سەرۆکی پارتی پەیامێکی لەبارەی تۆمارکردنی بەشێک لە
ناوچەی هەورامانی لەلایەن رێکخراوی یونسکۆوە وەک ناوچەیەکی شوێنەواریی بڵاوکردەوە و
تیایدا هاتووە، "ئەو بڕیارەی یونسكۆ دەستكەوتێكی ترە بۆ خەڵكی كوردستان و
ناوچەی هەورامان".
دەشڵێت، "بەم
بۆنەوە هیوای
ئارامی و پێشكەوتنی زیاتر بۆ خەڵکی کوردستان و ناوچەی هەورامان دەخوازم".
ئەمە
لەکاتێکدایە، دوێنێ پویا تاڵیب نیا بەڕێوەبەری فەرمانگەی کەلتوری هەورامان بە
ئاژانسی هەواڵی برنای راگەیاند، ئەمڕۆ لە چل و چوارەمین دانیشتنی لیژنەی شوێنەوارناسی
جیهانی لە رێکخراوی یۆنسکۆ دۆسیەی تۆمارکردنی هەورامانی پەسەندەکرێت.
بەوتەی بەڕێوەبەری فەرمانگەی کەلتوری هەورامان، پەسەندکردنی
ناوچەی هەورامان وەک ناوچەیەکی شوێنەواری لە جیهاندا بەرەوپێشچوونی ناوچەکە و گەشەسەندنی
زیاتر دەستەبەردەکات و بەمەش مێژوو و کەلتوری ناوچەکە دەپارێزێت.