PM:01:25:06/03/2026
1092 جار خوێندراوەتەوە
سەرۆکی ئەمریکا لە نوێترین لێدوانیدا دەڵێت، هێرش و بۆردومانەکانیان بۆ سەر خاکی ئێران بەردەوام دەبێت و دەشڵێت، ناردنی هێزی زەمینی بۆ ئێران کات بەفیڕۆدان دەبێت.
دۆناڵد ترەمپ، سەرۆکی ئەمریکا لە نوێترین لێدوانیدا سەبارەت بە بەرەوپێشچوونی ئۆپەراسیۆنە سەربازییەکانی وڵاتەکەی وتی، هێزی دەریایی ئێران لەناو چووە و داوای رێککەوتن دەکەن، بەڵام ئێمە شەڕی زیاترمان دەوێ.
وتیشی، تەنها لە ماوەی سێ رۆژدا، ٢٤ کەشتیی جەنگیی ئێرانیان نوقم
کردووە و نزیکەی ٪٦٠ بۆ ٪٦٤ـی کۆی توانای مووشەکی و پەیوەندییەکانی تاران
لەناوچوون بەوهۆیەوە لە ئێستادا نە هێزی ئاسمانییان هەیە نە بەرگریی ئاسمانی.
هەروەها داوای لە گەلی ئێران کرد کە راپەڕین بکەن و وڵاتەکەیان
وەربگرنەوە چونکە باشترین دەرفەتە بۆ ئێرانێکی نوێ، داواشی لە دیپلۆماتە
ئێرانییەکان کرد لە وڵاتانی جیهان داوای مافی پەنابەری بکەن و یارمەتی ئەمریکا
بدەن لە داڕشتنەوەی داهاتووی وڵاتەکەیان.
