کەشناسیی هەرێم دەڵێت، لە درەنگانی ئەمشەوەوە بارانبارین بە شێوەی نمەباران ناوچەکانی هەرێم دەگرێتەوە و تا رۆژی شەممە بەردەوام دەبێت و لە ناوچە شاخاوییەکانیش بەفر دەبارێت.
ئەمڕۆ پێنجشەممە ٢٦ـی شوباتی ٢٠٢٦، بەڕێوەبەرایەتی کەشناسیی هەرێم بڵاویکردەوە، لە ئێوارەی ئەمڕۆوە شەپۆلێکی نمەباران روویکردووەتە بەشێک لە ناوچەکانی ئیدارەی زاخۆ و تا ئێستاش کاریگەرییەکەی کە لە هەندێک ناوچە هەورەتریشقەی لەگەڵە، درێژبێتەوە بۆ سەر پارێزگای دهۆک و زۆربەی ناوچەکانی ئەو پارێزگایە.
دەشڵێت، پێشبینی
دەکرێت تا نیوەشەو باران بارین بە شێوەی نمەباران و بارانی مامناوەند سەرجەم ناوچە
شاخاویییەکانی هەولێر و سەنتەری شار و دەشتی هەولێر بگرێتەوە لەگەڵ بارینی بەفر لە
ناوچە شاخاوییەکانی باکوور و باکووری رۆژهەڵاتی هەرێمی کوردستان.
وتیشی، پێشبینی
دەکرێت بۆ دوای نیوەشەو تا کاتەکانی بەیانیی رۆژی هەینی کاریگەریی بارانبارین درێژبێتەوە
بۆ ناوچەکانی دیکەی رۆژهەڵاتی هەولێر و کۆیە و ئیدارەی راپەڕین و کەرکوک و گەرمیان
و پاشان بۆ ناوچەکانی سلێمانی و هەڵەبجە و ناوچەکانی دیکەی گەرمیان هاوکات بەفربارین
لە ناوچە شاخاوییەکان بە شێوەی پچڕپچڕ دەبێت، و لە ئێوارەو شەودا بارانبارین رادەوستێت
و بەفربارین تەنها لە ناوچەشاخاوییە بەرزەکان بەردەوامی دەبێت.
کەشناسیی هەرێمی
کوردستان باسی لەوەشكرد، پلەی گەرما بۆ سبەی رۆژی هەینی چوار بۆ حەوت پلە نزمدبنەوە
و ئەگەری خۆڵبارین هەیە بەتایبەت لە باشووری شاری هەولێر و کەرکوک و گەرمیان.