سەردێڕ:

مەسعود بارزانی: دەبێت تۆڵەی خوێنی شەهیدەکانمان بکرێتەوە

PM:03:22:06/12/2021

3804 جار خوێندراوەتەوە

مەسعود بارزانی رایگەیاند، "پێویستە تۆڵەی خوێنی شەھیدەکانمان لە تیرۆرستان بکرێتەوە و هێرشبکەینە سەر داعش."


مەسعود بارزانی سەرۆکی پارتی لەبارەی هێرشەکەی شەوی رابردووی داعشەوە کە تیایدا چوار پێشمەرگە شەهید بوون پەیامێکی بڵاوکردەوە و دەڵێت، "پێویستە تۆڵەی خوێنی شەھیدەکانمان لە تیرۆرستان بکرێتەوە."

ئاماژەی بەوەشکردووە، "بەھۆی زۆربوونی جموجوڵ و پەلامارەکانی تیرۆریستان لەم دواییانە پێویستە ھێزی پێشمەرگەی کوردستان ئامادەکاری زیاتر بکات و تەکتیکی جەنگی بگۆڕێت و لە دۆخی بەرگریکردنەوە بکرێتە ھێرشبردن بۆ سزادان و لەناوبردنی داعش."

ئەوەش لەکاتێکدایە، چەکدارانی داعش هێرشەکانیان بۆ سەر سەنگەرەکانی هێزەکانی پێشمەرگە زیاتر کردووە و شەوی رابردوو جارێکی دیکە لە سنووری کەرکوک هێرشیانکردەوە و بەوهۆیەوە چوار پێشمەرگە شەهید بوو و ماوەی زیاتر لە هەفتەیەکە ٢٢ پێشمەرگە و سێ هاوڵاتی شەهید بوون.

دوێنێش، جەمال مورتکە فەرماندەی سەربازیی لەمیانەی بەشداریکردنی لە پرۆگرامی پەرلەمانی خەڵکی ئێن ئاڕ تیدا وتی، "بۆشایی ئەمنی و نەبوونی سوپای عێراق لە ناوچەکە و چەک و تەقەمەنی لە سەنگەرەکان بیانوون."








گەلەری