PM:03:35:13/10/2025
840 جار خوێندراوەتەوە
لە پەراوێزی لوتکەی ئاشتیی شەرەم شێخ، سەرۆک وەزیرانی عێراق و سەرۆکی فەڕەنسا کۆبوونەوە و تێیدا جەختیان لەسەر کۆتاییهێنان بە شەڕی غەززە و پتەوکردنی پەیوەندییەکانی نێوان هەردوو وڵات کردەوە.
ئەمڕۆ دووشەممە ١٣ـی تشرینی یەکەمی ٢٠٢٥، نووسینگەی سەرۆک وەزیرانی عێراق بڵاویکردەوە، لە کۆبوونەوەکەدا باس لە بنیاتنانەوەی غەززە بە سەرۆکایەتیی فەڕەنسا کرا و هەردوولا جەختیان لە گرنگیی بەردەوامیدان بە ئاگربەست، پاڵپشتیی سەقامگیری لە ناوچەکە و گەیاندنی هاوکاریی مرۆیی بۆ هاووڵاتییانی سڤیل لە غەززە کردەوە.
ئاماژە بەوەشکراوە،سودانی و
ماکرۆن چۆنیەتیی پتەوکردنی پەیوەندییەکانی نێوان هەردوو وڵاتیان لە بوارە
جیاوازەکاندا تاوتوێ کردووە، هەروەها گفتوگۆیان لەبارەی ئەنجامدانی "کۆڕبەندی
بەغدا بۆ هەماهەنگی و هاوپەیمانی" کردووە.
هاوکات لەبارەی کۆڕبەندەکەوە، سەرۆکی
فەڕەنسا جەختی کردووەتەوە کە دەیان کۆمپانیای فەڕەنسی لە بوارەکانی وزە، ژێرخان،
بەرگری و ئاودا ئامادەییان دەبێت بۆ کارکردن لە عێراق، بەجۆرێک کە بەرژەوەندیی
هاوبەشی هەردوو وڵات بهێنێتەدی.
