ئاماژەی بەوەش کرد، هەرچەندە ئەوان رازی نین بەو دۆخە، بەڵام لەلایەن ئیسرائیلەوە هەوڵی دواخستنی دانوستان بۆ رێککەوتنی ئاگربەست دەدرێت.

هاوکات، رۆژی ٢٦ـی ئەم مانگە لە دانوستانەکانی نێوان شاندێکی ئیسرائیل و شاندێکی حەماس لە دەوحەی پایتەختی قەتەڕ بە ئەمادەبوونی قەتەڕ و میسر و ئەمریکا باس لە رێککەوتنی ئاگربەست لە کەرتی غەززە و رێککەوتنێک بۆ ئاڵوگۆڕی دیلەکان کرا.

ئەوەش لەکاتێکدایە، رۆژی ٢٣ـی شوبات شاندێکی ئیسڕائیل بە سەرۆکایەتی دەیڤد بارنیا سەرۆکی مۆساد لە پاریس لەگەڵ سەرۆک وەزیرانی قەتەڕ و شاندێکی ئەمریکا و میسر کۆبوونەوە بۆ گفتوگۆکردن سەبارەت بە ئاگربەستی غەززە.

دوای ٤٨ رۆژ لە جەنگ و گەمارۆدان ٢٤ ـی ١١ـی ساڵی رابردوو ئیسرائیل و بزووتنەوەی حەماس ئاگربەستێکی چوار رۆژەیان دەستپێکرد و دواتر بۆماوەی دوو رۆژ درێژیان کردەوە و رێککەوتن لەسەر ئەوەی حەماس ٥٠ دیلی ئیسرائیلی و بیانی رزگار بکات و لە بەرامبەر هەر یەکیان ئیسرائیل سێ دیلی فەڵەستینی رزگار بکات.

جەنگی حەماس و ئیسرائیل لە ٧ـی ئۆکتۆبەری ساڵی رابردووەوە بەردەوامە ، لە دوای دەستپێکردنی هێرشەکانی حەماسەوە، سوپای ئیسرائیل بەردەوامە لە بۆردوومانکردنی کەرتی غەززە.