پەرلەمانی ئەوروپا دەنگی دا لەسەر رەشنووسێکی تایبەت بە پێکهێنانی ئاگربەست لە کەرتی غەززە و خێراکردنی هاوکارییە مرۆییەکان بۆ دانیشتوانی ناوچەکە.
ئەمڕۆ پێنجشەممە، میدیا جیهانییەکان بڵاویانکردەوە، لە دانیشتنی پلینۆمیدا لە ستراسبۆرگ بە مەبەستی دووپاتکردنەوەی بەردەوامی هەوڵەکانی یەکێتی ئەوروپا بۆ راگرتنی جەنگی نێوان ئیسرائیل و فەڵەستین؛ پەرلەمانی ئەوروپا دەنگی دا لەسەر رەشنووسێکی تایبەت بە کەرتی غەززە.
ئاماژە بەوەش
کراوە، لە پڕۆسەکەدا ٣١٢ ئەندام دەنگیان بە بەڵێ و ١٣١ ئەندام دەنگیان بە نەخێر دا
هاوکات ٧٢ ئەندامیش دەنگیان نەدا کە ئامانج لە دەنگدان لەسەر رەشنووسەکە راگەیاندنی
ئاگربەست لە کەرتی غەززە و خێراکردنی هاوکارییە مرۆییەکانە بۆ ناوچەکە.
ئەوەش
خراوەتە روو، لە ئەگەری پەسەندکردن و جێبەجێ کردنی رەشنووسەکە هۆشداری دراوەتە ئیسرائیل لە کاردانەوەکانی لەماوەی ئاگربەستەکە و رەوانەکردنی
هاوکارییەکان بۆ ناوچەکە.
ئەوەش لە
دوای ئەوە دێت، بەپێی دوایین ئاماری تەندروستی غەززە، ژمارەی گیانلەدەستدان لە فەڵەستین
زیاتر لە ٢٤ هەزار کەسی تێپەڕاندووە و زیاتر لە ٦١ هەزار کەسیش برینداربوون. سوپای ئیسرائیلیش بڵاویکردەوە لە دەستپێکی شەڕەوە
تا ئێستا هەزار و ٢٠٠ کەسیان لێکوژراوە.
ئەمەش لە
کاتێکدایە، لە رۆژی حەوتی مانگی ١٠ـی ساڵی رابردووەوە جارێکی دیکە جەنگ لە نێوان ئیسرائیل
و فەڵەستین دەستیپێکردەوە، بەهۆی ئەوەی بزوتنەوەی حەماس لە رێگەی هەزاران موشەکەوە
ئیسرائیلی بۆمبباران کرد. تا ئێستاش جەنگەکە بەردەوامی هەیە.