غەززە- ئەنادۆڵو
PM:05:08:28/10/2023
2580 جار خوێندراوەتەوە
خاوەنی کۆمپانیای سپەیس ئێکس رایگەیاند، خزمەتگوزاری پەیوەندیکردن و ئینتەرنێت بۆ رێکخراوە فریاگوزارییە نێودەوڵەتییەکان و ناوخۆییەکان لە کەرتی غەززە لەرێگەی مانگی دەستکدری ستارلینکەوە دابیندەکات.
ئەمرۆ شەممە، ئیلۆن ماسک خاوەنی کۆمپانیای سپەیس ئێکس لە هەژماری تایبەتی خۆی لە ماڵپەری ئێکس(تویتەری پێشوو) رایگەیاند، خزمەتگوزاری پەیوەندیکردن و ئینتەرنێت بۆ رێکخراوە فریاگوزارییە نێودەوڵەتییەکان و ناوخۆییەکان لە کەرتی غەززە دابیندەکات، تاوەکو پەیوەندییان بە جیهانی دەرەوە هەبێت.
ئاماژەی بەوەش کرد، ستارلینک تۆڕێکی
مانگی دەستکردی هەیە کە خزمەتگوزاری ئینتەرنێت و پەیوەندییەکان دابین دەکات، تەنانەت
لە ناوچە دوورەکان کە سیگناڵی تۆڕی پەیوەندییە ئاساییەکان ناگاتە دەستیان.
شەوی رابردوو، سوپای ئیسرائیل هاوڵاتیانی
کەرتی غەززەی ئاگادارکردەوە کە هێرشی زەمینی دەستپێدەکات و هێڵەکانی پەیوەندی
ئینتەرنێت و مۆبایل دەپچڕێن و دواتر دوو ملیۆن هاوڵاتی غەززە پەیوەندییان لەگەڵ
جیهاندا نەما.