PM:02:41:24/07/2023
1620 جار خوێندراوەتەوە
سه‌رۆكی فه‌رمانگه‌ی رووبەڕووبوونەوەی كاره‌ساتی سرووشتی له پارێزگای مه‌یدان وه‌ردك له ئه‌فغانستان رایگەیاند، به‌هۆی لافاوه‌وه له پارێزگاگە ٣٠ كه‌س گیانیان له‌ده‌ستدا.
ئەمڕۆ دووشەممە، فه‌یزوڵا جه‌لالی سه‌رۆكی فه‌رمانگه‌ی رووبەڕووبوونەوەی كاره‌ساتی سرووشتی له پارێزگای مه‌یدان وه‌ردك، له کۆنفڕانسێکی رۆژنامەنوسیدا ئاماژه‌ی به‌وه‌كرد، له شارۆچكه‌كانی جه‌لریز و ناره چه‌كچه‌گاتوی بارانی به‌خوڕ بووه‌ته هۆی دروستبوونی لافاو.
باسی له‌وه‌شكردووه، له ئه‌نجامی درووستبوونی لافاودا له‌و شارۆچكانه
٣٠ كه‌س گیانیان له‌ده‌ستداوه و ژماره‌یه‌كی زۆریش برینداربوون.
هاوکات، وه‌زاره‌تی
به‌ڕێوه‌بردنی كاره‌ساته‌كان لە ئەفغانستان رایگەیاند، له لافاوه‌كانی مه‌یدان وه‌رده‌كدا
٧٤ كه‌س برینداربوون و ٦٠٤ خانوو داڕماون.
ئەمەش لە کاتێکدایە بەپێی ئامارەکانیوه‌زاره‌تی به‌ڕێوه‌بردنی كاره‌ساته‌كان، لە ماوه‌ی چوار مانگی رابردوودا
بەهۆی لافاوەوە، ٢١٤ كه‌س گیانیان له‌ده‌ستداوه و ٣٢٠ كه‌س برینداربوون.
