دەستەی باڵای هەڵبژاردنەکانی تورکیا بە فەرمی بردنەوەی ئەردۆغانی لە هەڵبژاردنی سەرۆکایەتی کۆماری تورکیا راگەیاند و دەڵێت، "٥٢.١٥٪ی دەنگەکان بۆ ئەردۆغان هاتووە."
دەستەی باڵای هەڵبژاردنەکانی تورکیا بردنەوەی ئەردۆغانی بە فەرمی راگەیاند و ئاماژەی بەوەکردووە، ئەنجامی کۆتایی خولی دووەمی هەڵبژاردنی سەرۆکایەتی کۆماری تورکیا ٥٢.١٥٪ی دەنگەکان بۆ ئەردۆغانە و کڵیچدارئۆغلوش ٤٧.٨٥٪ی دەنگەکانی بەدەستهێناوە.
لە یەکەم وتاری دوای هەڵبژاردنەکان رەجەب تەیب ئەردۆغان وتی، "دەبینە جێگای ئەو هەموو متمانەیەی پێمان
بەخشراوە و گەلی تورکیا دڵنیا دەکەنەوە کە وڵاتەکە لە ئامێزی ئەواندا پارێزراو دەبێت".
لەبەرامبەردا، کەمال کڵێجدارئۆغلو رایگەیاند، ئەم پرۆسەی هەڵبژاردنە قورس
بووە بۆیان و بەرەنگاری فشار و هەڕەشەی زۆر بوونەتەوە و نیگەرانی ئەوەن کە گرفتەکانی
وڵاتی تورکیا بەردەوام دەبێت.
ئەمەش لە کاتێکدایە، ئەمڕۆ لە کاتژمێر ٥ی ئێوارە پرۆسەی دەنگدانی خولی
دووەمی هەڵبژاردنی سەرۆکایەتی کۆماری تورکیا لە نێوان ئەردۆغان کاندیدی هاوپەیمانی
کۆماری و کڵیچدارئۆغلو کاندیدی هاوپەیمانی میلـلەت بەڕێوەچوو.