بەڕێوەبەرایەتی توندوتیژی دژی ژنان و خێزان لە سۆران رایگەیاند، ئەو بوکەی لە کۆیە لە رۆژی ئاهەنگی گواستنەوەکەیدا هەڵهاتبوو لە سۆران دەستگیرکراوە و رادەستی نوسینەگەی بەرەنگاربوونەوەی تووند و تیژی دژی ژنان و خێزان لە کۆیە دەکرێت.
پاش ئەوەی پیاوێک داوای یاسایی لەسەر دەستگیرانەکەی تۆمارکرد و باسی لەوە کرد، لە رۆژی گواستنەوەکەیدا هەڵهاتووە و سەرجەم زێڕ و پارەکانیشی بردووە؛ بەڕێوەبەرایەتی توند و تیژی دژی ژنان و خێزان لە سۆران دەستگیرکردنی بوکەکەی لە سۆران راگەیاند.
پۆلیس لە راگەیاندراوێکدا ئاماژەی بەوە کردووە، ئەو
بوکە ناوی (
ح.ك.م)ـە و پاش ئەوەی لە رۆژی گواستنەوەکەیدا رایکردووە دەستگیرانەکەی لە نوسینگەی بەرەنگاربوونەوەی
تووند و تیژی دژی ئافرەتان و خێزانی كۆیە سکاڵای لەسەر تۆمارکردووە.
باسی
لەوەشکردووە، پاش ڵێکۆڵینەوەکانیان بۆیان دەرکەوتووە ئەو بوکە چووتە ئیدارەی
سەربەخۆی سۆران و دواتر تیمێک لە پۆلیسی سۆران بە هاوکاری ئاسایشی ناو شارەکە
توانیویانە دەستگیری بکەن.
ئەوەشی
خستووەتەڕوو، "بە بڕیاری دادوەری لێكۆڵینەوە و لەسەر راسپاردەی نوسینگەی بەرەنگاربوونەوەی
تووند و تیژی دژی ژنان و خێزانی كۆیە ئەو
بوکە رادەستی نوسینگەكە دەكرێت."
ئەمەش
لە دوای ئەوەدێت لە هەفتەی رابردوو گەنجێک لە راپۆرتێکی ئێن ئاڕ تی باسی لەوە کرد،
دەستگیرانەکەی لە رۆژی گواستنەوە و هاوسەرگیریاندا هەڵهاتووە و سەرجەم زێڕ و پارەکانی بردووە، وتیشی،
سکاڵای تۆمارکردووە و ئەو کچەی خۆشویستووە بۆیە چووەتە داوایی و ویستوویەتی
هاوسەرگیری لەگەڵدا بکات.