بانکی رافیدەین رایگەیاند، لە سەرجەم لقەکانیدا لە گرێبەستی بیمەکان و مامەڵە بانکییەکاندا لەبری دۆلار دینار بەکاردەهێنن و نرخی هەر دۆلارێکیش بە هەزار و ٣٢٠ دینار دەبێت.
ئەمڕۆ شەممە، بانکی رافیدەین راگەیەنراوێکی بڵاوکردەوە و تێیدا هاتووە، سەرجەم لقەکانی بانکی رافیدەین رێگەیانپێدراوە دینار لە بری دۆلار لە سەرجەم مامەڵە بانکییەکانیاندا بەکاربهێنن.
ئاماژەبەوەشکراوە، لە مامەڵە بانکییەکان و گرێبەستی بیمەکاندا نرخی هەر
١٠٠ دۆلارێک بە ١٣٢ هەزار دینار هاوتای نرخی دیاریکراوی بانکی ناوەندی عێراق دەبێت.
لە ماوەی رابردوو، وەزارەتی ناوخۆ لە هەڵمەتێکدا بەڵێننامەی بە خاوەن پێشانگاکانی ئۆتۆمبێل و فرۆشگای کەلوپەلە کارەباییەکان
واژوو کرد بۆ ئەوەی لە مامەڵە بازرگانییەکانیاندا لە بری دۆلار دیناری بەکاربهێنن.