ئەوەشی خستەڕوو، زیاترکردنی توانا سەربازییەکەیان لەو ناوچەیە بۆ رووبەڕووبوونەوەی ئێران و هەڕەشەکانییەتی لەسەر سەقامگیری ئەو کەنداوە و ریگریکردنە لە ئێران لە هەوڵەکانی بۆ دەستگرتن بەسەر کەشتییە نەوت هەڵگرەکانی بەو کەنداوەدا تێپەڕ دەبن.

باسی لەوەشکرد، "دەمانەوێت لەریگەی ئەم هەنگاوەوە ئەو پەیامە بگەیەنین بە ئێران کە ئێمە لە کوێین؟ و ئامادەین پەرپەچی هەموو سەرپێچییەکانی بدەینەوە."

وتیشی، ئەمریکا و وەزارەتی بەرگری ئەو وڵاتە لە پەیوەندی بەردەوامدایە لەگەڵ بەریتانیا و فەڕەنسا تاوەکو پاڵپشتی زیاتر پەیدا بکات بۆ رووبەڕووبوونەوەی ئێران و دەستدرێژییەکانی لە کەنداوی عەرەبی.

هاوکات، جۆن کێربی رێکخەری پەیوەندییە ستراتیجییەکانی ئەنجومەنی ئاسایشی ئەمریکا رایگەیاند، روسیا و ئێران پەیوەندییە سەربازییەکانیان توندتر دەکنەوە و روسیا چەند جۆرە چەک و فڕۆکەیەک دەدات بە ئێران بە مەبەستی بەهێزکردنی توانا سەربازییە ئاسمانییەکانی ئەو وڵاتە.

ئەمەش لە دوای ئەوەدێت، لە ٩ـی مانگی نیسانی ئەمساڵدا هێزی دەریایی ئەمریکا رایگەیاند، بەهۆی گرژییەکانیان لەگەڵ ئێران و بە مەبەستی ئاشتی و سەقامگیری ناوچەکە، ژێر دەریاییەکیان ناردووەتە کەنداو کە لە توانایدایە ١٥٤ موشەکی جۆری تۆماهۆک هەڵبگرێت.

باسی لەوەشکردووە، ژێر دەریاییەکە لە گەرووی هورمز لە ئاوکانی کەنداو جێگیرکراوە و ٢٠٪ـی ئەو کەشتییانەی نەوت هەناردە دەکەن بەو گەرووەدا تێپەڕ دەبن و ئەو موشەکەی ژێر دەریاییەکە لە توانایدایە هەڵیبگرێت دەتوانێت لە دوری دوو هەزار و ٥٠٠ کیلۆمەتر ئامانجەکەی بپێکێت.