وەزارەتی ناوخۆێ عێراق رایگەیاند، دەرگای پێشکەشکردنی داوکاری وەرگرتن لە خولی پەیمانگای باڵا بۆ گەشەپێدانی ئاسایش و کارگێڕی بۆ ژنانی هەڵگری بڕوانامەی بەکالۆریۆس دەکاتەوە.
ئاماژەی بەوەشدا، ئەو کەسانەی داواکاری وەرگرتن لە پەیمانگای باڵا بۆ گەشەپێدانی ئاسایش و کارگێڕی پێشکەش دەکەن پێویستە ئەم مەرجانەیان تێدا بێت:
یەکەم: دەبێت کەسی
پێشکەشکار خۆی و دایک و باوکی عێراقی بن و ئەمەش بەپێی برگەی یەکەمی ماددەی پێنج لە
یاسای خزمەتکردن و خانەنشینی لە دەستووری عێراقی.
دووەم: خاوەنی بڕوانامەی بەکالۆریۆس
بێت.
سێیەم: تەمەنی لە ١٩ ساڵ کەمتر
نەبێت و لە ٢٥ ساڵ زیاتر نەبێت، ئەو کەسانەی لە ئێستادا فەرمانبەری وەزارتی ناوخۆن
و دەیانەوێت داواکاری پێشکەش بکەن مەرجە تەمەنیان لە ٢٧ ساڵ زیاتر نەبێت.
چوارەم: لە پشکنینەکانی پزیشکی
و جەستەیی و تاقیکردنەوەی کۆمپیتەر و دەروونی و لیژنەی چاوپێکەوتن و راژەی خزمەت دەربچێت.
پێنجەم: خاوەن رەوشت و
ئاکاری ئەرێنی بێت و لە رابردوودا هیچ سزایەکی سیاسی و تاوانی شەرەف و تاوانی تیرۆر
ی لەسەر نەبوبێت.
شەشەم: کەسێکی راستگۆ بێت
و هیچ گرفتێک لە دڵسۆزی بۆ نیشتیمانی نەبێت.
حەوتەم: باڵای لە ١٥٥ سانتیمەتر
کەمترنەبێت.
وەزارەتی ناوخۆێی عێراق
ئاماژەی بەوەشدا، لە کاتی پێشکەشکردنی داواکاری بۆ وەرگرتن لە پەیمانگای باڵا بۆ گەشەپێدانی
ئاسایش و کارگێڕی بەپێی یاساکان رێکاری وەرگرتنی ئەم کەسانەی خوارەوە بەشێوەیەکی دیکە دەبێت:
یەکەم بنەماڵەی شەهید و زیندانە
سیاسییەکان.
دووەم: منداڵی ئەو ئەفسەرانەی
بەردەوامن لە خزمەت و ئەو ئەفسەرانەی خانەنشینن.
سێیەم: پێکهاتەکانی کرستیان
و سابیئە و شەبەک و ئێزیدی و کوردی فەیلی و تورکمان.
لەم لینکەوە ناو تۆمار دەکرێت...