سەرنووچە:

باژێرڤانی دێ ١٥%ێ ل کەسێن قەر لسەر خۆشبیت

AM:11:20:18/05/2022

680 جار خوێندراوەتەوە

+ -

لدویف بڕیاره‌كا وه‌زاره‌تا شاره‌وانی و گه‌شت و گۆزار یا حۆكمه‌تا هه‌رێما كوردستانێ‌ كو بۆ هه‌می دام و ده‌زگه‌هێن سه‌ر ب وێڤه‌ ره‌وانه‌كریه‌، ئه‌و قەرێن باژێرڤانیان ل سه‌ر وەلاتیان هه‌ین، وه‌كو موستاحه‌ و كرێ‌، و كریێن خۆ‌ هەیا نها نه‌داین، پێدڤیه‌ بهێنه‌ دان، دبێژیت ژی، دێ ١٥% لێ خۆشبین.

ئەڤرۆ چارشەمبی، دیار به‌حری، رێڤه‌به‌رێ‌ گشتێ‌ باژێرڤانیان ڕاگەهاند، كو هژماره‌كا وەلاتیان هه‌یه‌ ژ به‌ر تێكچوونا ره‌وشا دارایی، چه‌ند ساله‌كا كریێن خۆ یێن موساته‌حا و دوكانان نه‌داینه‌ و ئه‌ڤه‌ ژی بوویه‌ ئه‌گه‌ر كو پاره‌كێ‌ مه‌زن ببیته‌ قەر لسه‌ر وان و نکارینە بده‌ن.

بەحسا وێ یەکێ ژی کر، کو هەر کەسێ ب قست یان ژی هەمی قەری پێکڤە بدەت و قەرێن خۆ تەمام بکەت، دێ ١٥% لێ خۆشبن.

ئەشكرا ژی كر، ئه‌ڤه‌ دێ‌ بیته‌ پالده‌ره‌ك كو داهاتێ‌ حۆكمه‌تێ‌ زێده‌ببیت، زێده‌باری هندێ‌ ژی، دێ‌ بیته‌ فاكته‌ره‌ك بۆ هندێ‌ زێده‌تر پرۆژه‌یێن حزمه‌تگۆزاری بهێنه‌ ئه‌نجامدان، ژبەرکو ١٥%ێ ژ داهاتێ‌ باژێرڤانیان بۆ وێ‌ باژێرڤانیێ‌ دمینن بۆ ئه‌نجامدانا پرۆژه‌یان.

ئاماژە ب وێ یەکێ ژی كر، كو ئه‌و ده‌ستهه‌لات یا ب وان هاتیه‌ دان و وەلاتی دێ‌ بڕیارێ دەت، كا وی پاره‌ی ب قست بده‌ت یان ژی هه‌میێ‌ لسەر ئێک.

رێڤه‌به‌رێ‌ گشتیێ‌ باژێرڤانیان ل پارێزگەها دهۆکێ، ئه‌و یه‌ك ژی ئەشكەرا كر كو بڕیاره‌كا دی یا نوی ژی ده‌رچوویه‌، ‌ئەو ژی ئه‌گه‌ر باژێرڤانیه‌كێ‌ پارچه‌ ئه‌ردێن باش و روكن هه‌بن و بهێنه‌ فرۆتن، مافێ‌ فرۆتنێ‌ پێ‌ هاتیه‌ دان، بۆ هندێ‌ پارێ‌ وان پارچه‌ ئه‌ردان پرۆژه‌یێن خزمه‌تگۆزاری ل سنوورێ‌ وێ‌ باژێرڤانیێ‌ بهێنه‌ ئه‌نجامدان.

دبێژیت ژی، نوكه‌ مه‌ كار ل سه‌ر وان پارچه‌ ئه‌ردان كریه‌ و مه‌ پلانێن خۆ‌ به‌رهه‌ڤكرینه‌ و رازیبوون و رێنمایی ژ وه‌زاره‌تێ‌ ده‌رچووینه‌، نها‌ د قوناغێن په‌سه‌ندكرنێ‌ دانه‌ و هژماره‌كا زێدە یا پارچه‌ ئه‌ردانه‌، دێ‌ هێنه‌ ڕاگه‌هاندن و د سه‌رئێكزێده‌كرنێن ئەشكەرا دا دێ‌ هێنه‌ فرۆتن.

گەلەری