PM:08:51:07/05/2024
244 جار خوێندراوەتەوە
+
-
لدیڤ زانیاریێن ئێن ئاڕ تی ل هەولێرێ، ل دەمێ ڤەگەریانێ ژ قوتابخانەیێ
بریسێ ل سێ زاروکان دا و ب وی سەدەمی ئێک ژوان ژیانا خۆ ژدەستدا، بڤێ ژی هژمارا
ژیان ژدەستدانێ د ٤٨ دەمژمێرێن دەربازبووی دا ب سەدەمێ بریسیان بووینە پێنج کەس.
ئەڤرۆ سێشەمبیی، لدیڤ زانیاریێن ئێن ئاڕ تی، ل
تاخێ قەلاتا نوی ل هەولێرێ، ل دەمێ ڤەگەریانێ ژ قوتابخانەیێ بریسیێ ل سێ زاروکان
دا و ب وی سەدەمێ ئێک ژوان ژیانا خۆ ژدەستدا و دووێن دی ژی بریندار بوون.
نووچەگەهانێ ئێن ئاڕ تی بەحسا وێیەکێ کر، برینا وان دوو زاروکان یا
سڤکە و گەهاندینە نەخۆشخانەیێ.
ئەڤە ژی د دەمەکێدایە، د هەیاما ٤٨ دەمژمێرێن دەربازبووی دا، ب سەدەمێ
لێدانا بریسیان، پێنج کەسان ژیانا خۆ ژدەستدان و سێ کەس ژی بریندار بوو.
هەر ئەڤرۆ، ب سەدەمێ لێدانا بریسیێ، پێشمەرگەیەکی ل محیوەرێ کەرکوکێ
ژیانا خۆ ژدەستدا.
دوهی دووشەمبی ژێدەرەکی ژ پۆلیسێن دەڤەرا نوی یا کەرکوکێ بۆ دیجیتال
میدیایا ئێن ئاڕ تی گوت، ل سنورێ گوندێ عەبادە کەسەکی ب سەدەمێ لێدانا بریسیێ
ژیانا خۆ ژدەستدا.
ل گوندەکێ ناحیا قوشتەپە ل سنورێ هەولێرێ، بریسیێ ل دوو
کرێکاران دا و ب وی سەدەمی ژیانا خۆ ژ دەستدان، لهەمبەر رێڤەبەریا هاتن و چوونا
هەولێرێ ژی، ب سەدەمێ لێدانا بریسیێ کەسەک بریندار بوو.
ئومێد چۆمانی- هەولێر