لدیف زانیاریێن دیجیتال میدیایا ئێن ئاڕ تی، ئێڤاریا ئەڤرۆ دوو بازرگانێن دەستچوویێن ماددەیێن هشبەر ل دەمێ بزاڤا دەستەسەرکرنا وان تەقە کرینە و سێ کارمەندێن ئاسایشا زاخۆ بریندار کرینە.

ئەڤرۆ دووشەمبی، نووچەگەهانێ ئێن ئاڕ تی ل زاخۆ ڕاگەهاند، پشتی کو بزاڤێن دەستەسەرکرنا دوو بازرگانێن ماددەیێن هشبەر ل تاخێ خاکورک ل سەنتەرێ باژێرێ زاخۆ هاتینە کرن تەقە ل هێزێن ئەولەهیێ کر.

ئاماژە ب وێ یەکێ ژی کر، د شەرێ دناڤبەرا هێزێن ئەولەهیێ و وی بازرگانی دا سێ کارمەندێن هێزێن ئەولەهیێ و ئەو دوو بازرگانە بریندار بووینە.

نها بریندار بۆ نەخۆشخانەیا هەوارهاتنا زاخۆ هاتینە رەوانەکرن و چارەسەری بۆ وان دهێتەکرن، و برینا هند ژوان نە بنەجهە

لدیف لدیفچوونان ئێن ئاڕ تی ئەو یەک زانیە کو ئەو بازرگانە کەسێن دەستچوویە ل دەڤەرا بەهدینان و بەری نها ژی چەندین جاران تەقە ل هێزێن ئەولەهیێ کرینە و کارمەندێن هێزێن ئەولەهیێ بریندار کرینە، لێ ئێکەم جارە دهێنە دەستەسەرکرن.

وەحید سندی - زاخۆ