PM:05:35:07/05/2024
120 جار خوێندراوەتەوە
+
-
دادگەها
فیدرالیا عێراقێ راگەهاند، وان بڕیار دایە ب هەلوەشاندنا بڕیارەکا پەرلەمانێ
عێراقێ دەربارەی پاشخستنا هەلبژارتنا سەرۆکەکێ نووی بۆ پەرلەمانێ عێراقێ.
ئەڤرۆ
سێشەمبی، دادگەها فیدرالیا عێراقێ راگەهاند، وان بڕیار دایە ب هەلوەشاندنا بڕگەیا
دوویێ یا بڕیارا پەرلەمانێ عێراقێ کو د رووینشتنا گەرا دوویەما رۆژا 27ـێ کانوونا
دوویێ یا ئەڤسالە دایە.
ئاماژە ب وێ
یەکێ ژی کر، بڕیارا پەرلەمانێ عێراقێ تایبەت بوو ب پاشخستنا هەلبژارتنا سەرۆکەکێ
نووی بۆ پەرلەمانێ عێراقێ تا دەمێ ئەو کەیسێن هەلاویستی یێن لهەمبەر دەستهەلاتا
دادوەری دهێنە ئێکئالیکرن.
هەڤدەم،
هەڤپەیمانیا سێ ئالیا سوننەیان داخاز ژ پەرلەمانێ عێراقێ کر لەزێ بکەت بۆ
ئەنجامدانا رووینشتنەکێ بۆ هەلبژارتنا سەرۆکەکێ نووی بۆ پەرلەمانی و ل بن چ
گڤاشتنان ژی ئەو رووینشتنە نەهێتە پاشخستن.
رۆژا 14ـێ
تشرینا دوویەما سالا دەربازبووی دادگەها بلندا فیدرالیا عێراقێ بڕیارا دوویرخستنا
محەمەد حەلبوسی سەرۆکێ پەرلەمانێ عێراقێ دا.