AM:09:25:18/04/2024
352 جار خوێندراوەتەوە
+
-
نڤیسینگەها ڕاگەهاندنا
سەرۆک وەزیرێن عێراقێ ڕاگەهاند، شاندێ عێراقێ ١٩ گرێبەست د بیاڤێن ئەنەرژی و
دەرمانان دا دگەل.
نڤیسینگەها ڕاگەهاندنا
محەمەد شیاع سودانی سەرۆک وەزیرێن عێراقێ ڕاگەهاندنەک بەلاڤکر و تێدا هاتیە، ب
سەرپەرشتیا راستەوخۆیا سودانی، شاندێ عێراقێ ١٩ گرێبەست دگەل کۆمپانیێن ئەمریکی د
بیاڤێن ئەنەرژی و دەرمانان دا ئیمزا کرینە.
لدیف وێ ڕاگەهاندنێ، ئەو
گرێبەستە د بیاڤێ رێکەفتنێن ستراتیژی دانە و بەشەکا وان گرێبەستان تایبەتن ب کەرتێ
تایبەت ل عێراقێ، بەشەکا دی ژی ژلایێ وەزارەتا پەترۆل و کارەبێ و سندوقا عێراقێ بۆ
گەشەپێدانێ دگەل چەند کۆمپانیێن ئەمریکی دا هاتینە ئیمزا کرن.
ژلایەکێ دی ڤە یەحیا
رەسول، پەیڤدارێ هێزێن چەکداریێن عێراقێ ئاماژە ب وێ یەکێ کر، شاندا عێراقێ گرێبەستەکا
500 ملیۆن دۆلاری دگەل وەزارەتا بەرەڤانیا ئەمریکا دا ئیمزا کریە بۆ گەشەپێدانا
هێزێن سەربازی و ئەولەهیێن عێراقێ.
ئەڤە د دەمەکی دایە،
رۆژا ئێکشەمبی 14ـێ ڤێ مەهێ شاندەکێ عێراقێ ب سەرۆکاتیا محەمەد شیاع سودانی گەهشتە
ئەمریکا و دگەل هەر ئێک ژ سەرۆکێ ئەمریکا و وەزیرێ بەرەڤانیێ و دەرڤەیێ وی ولاتی و
چەند بەرپرسێن دی ل واشنتۆن جڤیا و پرسێن ئابووری و ئەنەرژیا عێراقێ ئێک بوون ژ
مژارێن سەرەکی دگەل بابەتێ دۆلار و لادانا سزایان لسەر بەنکێن عێراقی و ئەرکێ
هەڤپەیمانان ل عێراقێ.