PM:10:37:02/05/2024
1212 جار خوێندراوەتەوە
+
-
سەقاناسیا هەرێمێ راگەهاند، دهێتە پێشبینیکرن درەنگیا ئەڤشەڤە پێلەکا دی یا
باران بارینێ و بریسیا ل هەمی دەڤەرێن هەرێمێ دەست پێبکەت. دبێژیت ژی، "پێل ل
دەڤەرێن سەنتەرێ باژێڕێ هەولێرێ و دەورووبەرێن بەحرکە، قوشتەپە، دارەتوو، کەورگۆسک
وبەردەڕەش دێ بهێزتر بیت".
ئەڤڕۆ پێنجشەمبی،
رێڤەبەریا سەقانسی و عەردهەژا هەرێمێ راگەهاند، درەنگیا ئەڤشەڤەدا پێلەکا دی یا
باران بارینێ و بریسیا دێ دەڤەرێن هەرێمێ ڤەگریت و ب تایبەتی سەنتەرێ هەولێر و
دەورووبەرێن وێ.
ئاماژە ب وێیەکێ ژیکر، پێل دێ درێژبیت بۆ دەڤەرێن دەشتا هەولێر و کۆیە و تەقتەق
و ئاکرێ و هندەک دەڤەرێن گەرمیان و باشوورێ سلێمانیێ تا سپێدەهیا سوبەهی دێ
بەردەوامبیت، پشتی هنگی سەقا دێ یاسایی بیت.
ئەو یەکژی بەرچاڤکر، سوبەهی ل دەمێن پشتی نیڤڕۆ پێلەکا بهێز ب تایبەتی
دەڤەرێن رۆژهەلاتا هەولێر و ئیدارەیا سۆران و ڕاپەڕێن و سەنتەرێ باژێڕێ سلێمانیێ و
سەیدسادق و هەلەبجە و هندەک دەڤەرێن گەرمیانن دێ ڤەگریت.
هەڤدەم، سەقاناسیێ بڕا باران بارینێ ل دەڤەرێن هەرێمێ د دەمێ ٢٤ دەمژمێران
دا بەلاڤکر بڕا باران بارینێ بڤی جۆری یە:
پیرمام ٢٩ ملم
سلێمانى ١.١ ملم
چەمچەماڵ ٥.٩ ملم
دهۆک ٤١.٥ ملم
زاخۆ ٠.٦ ملم
شەقلاوە ١٩.٥ ملم
ئاکرێ ٠.٢ ملم
ئامێدى ٠.٤ ملم
بامەرنێ ٦.٨ ملم
بارزان ٢ ملم
بازیان ٤.٢ ملم
هەلشۆ ١٧.٤ ملم
خەبات ٨ ملم
مەیدان ٠.٢ ملم
سۆران ٠.٨ ملم
پێنجوێن ٠.٦ ملم
سیدەکان ٧.٨ ملم
کەرکووک ٢٧ ملم