PM:12:20:02/05/2024
88 جار خوێندراوەتەوە
+
-
د نها دا ل بازارێن دراڤێن هەرێمی بهایێ ١٠٠ دۆلاران
ب ١٤٥ هزار و ٧٠٠ دیناران بازار پێ دهێتە کرن، هەڤبەر ب دوهی ل دەمێ ڤەکرنا
بازاران بهایێ وێ هاتیە خار.
ئەڤرۆ پێنجشەمبی، هەڤبەر ب دوهی ل دەمێ ڤەکرنا
بازارێن دراڤێن هەرێمی بهایێ دۆلاری هاتە خار و ژ هەر ١٠٠ دۆلاران ٦٠٠ دینار
هاتینە خار.
هەڤدەم، بەنکا ناڤەندیا عێراقێ راگەهاند، بۆ
ئەڤرۆ پێنجشەمبی نێزیکی ٢٧٠ ملیۆن دۆلار فرۆتینە و ژ وی کوژمی ژی زێدەتری ٢٥٣
ملیۆن دۆلار ب ئاوایێ حەوالە بوویە و زێدەتری ١٥ ملیۆن دۆلار ژی ب ئاوایێ کاش
بوویە.
بەری نها شێوەرمەندەکێ سودانی بۆ ئێن ئاڕ تی ڕاگەهاند،
سەرەدانا سودانی بۆ ئەمریکا سەدەمەکێ سەرەکیێ داکەفتنا بهایێ دۆلاریە و دهێتە چاڤەرێ
کرن ژی بهایێ دۆلاری زێدەتر بهێتە خار.
ئەڤە د دەمەکی دایە، عائد هیلالی، ئەندامێ شاندێ
سەرۆک وەزیرێن عێراقێ ل ئەمریکا بۆ ئێن ئاڕ تی ڕاگەهاند، سەرەدانا سودانی بۆ واشنتۆن
دەستەکەفتەکا زۆر بدەستڤەئینایە ب تایبەتی د بیاڤێ دارایی دا و رێکار بەرەڤ کۆنترۆلکرنا
بهایێ دۆلاری ب تەمامی دچن، چێدبیت د چەند رۆژێن بهێت دا ب ئاوایەکێ بەرچاڤ و بلەز
بهایێ دۆلاری دێ هێتە خار.