PM:12:40:02/05/2024
80 جار خوێندراوەتەوە
+
-
نوێنەرێ گشتیێ وانەبێژێن
هەرێمێ بۆ ئێن ئاڕ تی ڕاگەهاند، د جڤینا دگەل وەزیرا داراییا عێراقێ دا کو
فراکسیۆنا نەوەی نوێ ل پەرلەمانێ عێراقێ ڕیکخستبوو، وەزیرا داراییا عێراقێ
ڕاگەهاند، چ لیستێن وانەبێژێن هەرێمێ رەوانەی وەزارەتا وان نەهاتینە کرن، د دەمەکی
دا نێزیکی مەهەکە حکومەتا رێڤەبرنا کاران دبێژیت، لیستا وانەبێژان رەوانەی بەغدا هاتیەکرن.
ئەڤرۆ پێنجشەمبی، عەلی
رەئوف نوێنەرێ گشتیێ وانەبێژێن هەرێمێ بۆ ئێن ئاڕ تی ڕاگەهاند، ژلایێ فراکسیۆنا
نەوەی نوێ ڤە ل پەرلەمانێ عێراقێ جڤینەک دگەل تەیف سامی وەزیرا داراییا عێراقێ دا بۆ
هاتە رێکخستن.
ئاماژە ب وێ یەکێ ژی کر، د وێ کۆمبوونێ دا وەزیرا داراییا عێراقێ ب زەلالی
گۆتیێ، چ لیستێن ناڤێن وانەبێژان بۆ وەزارەتا وان نەهاتینە هنارتن.
بەحسا وێ یەکێ ژی کر، تەیف سامی بەحسا وێ یەکێ کر، ئەگەر حکومەتا رێڤەبرنا
کاران لیستا وانەبێژان رەوانەی وەزارەتا دارایی بکەت، وی دەمی پێدڤی یە ئێکەم جار ئەو
لیست بچیتە پەرلەمانێ عێراقێ و ل وێرێ خاندنا ئێکەم و دووەم بۆ بهێتە کرن.
تەیف سامی ئەویەک ژی بەرچاڤ کریە، ئەو وەکی وەزیرا دارایی هەمی هاریکاریەکا
یاسایی پێشکەش دکەت تا ب زویترین دەم ل پەرلەمانێ عێراقێ خاندن بۆ بهێتە کرن.
ئاخڤتنێن وەزیرا داراییا عێراقێ د دەمەکی دانە، نێزیکی مەهەکێ یە حکومەتا
رێڤەبرنا کاران و وەزارەتا پەروەردێ بەحسا وێ یەکێ دکەن کو لیستا ناڤێ مامۆستایێن
وانەبێژ رەوانەی بەغدا کریە، لێ تەیف سامی، وەزیرا داراییا عێراقێ رەت دکەت.