PM:06:26:04/10/2021
1884 جار خوێندراوەتەوە
+
-
جڤاتا ئاسایشا هەرێما کوردستانێ دانپێدانێن گروپەکی لبن
ناڤێ (CTS) بەلاڤکر کو ب سەرپەرشتیا کەسەکی ب ناڤێ
گوڤەند ناسیارە و ل دەمێ دەربازبووی چەندین کارێن کرێت و ڤیدیۆیێن نە جوان ب کوڕ و
کچێن گەنج ئەنجامددان.
کارێ ڤی گروپی بریتی بوو ژ دروستکرنا تۆڕێن بەرفرەهـ و
مەترسیدار ل تۆڕێن جڤاکی بۆ سەردابرنا گەنجێن باژێرێن هەرێمێ.
وەک د ڤیدیۆیا دانپێدانێن جڤاتا ئاسایشێ دەردکەڤیت، چەند
کەسەکێن قوربانی کەیسێ و پشکداری کەیسێدا کارکرین دگەل گوڤەندی دانپێدانێ دکەن و
بەحسا وێیەکێ دکەن، کو کار بۆ گۆڤەندی کریە و ڤیدیۆیێن نە ژ هەژی یێن گەنجێن دی بۆ
گۆڤەندی پەیداکرینە و هنارتینە.
ئەو کەسە دانپێدانێ ب وێیەکێ دکەن، کو گۆڤەندی ب ڕێیا
وان ڤیدیۆیێن نە ژ هەژی گەف ل کوڕ و کچێن دی کریە و پارە ژێ وەرگرتیە، یان ژی
پێتۆمارکرینە.
ل داویا مەها ئابا دەربازبووی، ڤیدیۆیێن هژمارەیەکا
گەنجێن کورد هاتنە بەلاڤکرن ب ناڤکربوون ب ڤیدیۆیێن پەشێمانبوونێ، ل هەمبەر
گەنجەکی بناڤێ (گۆڤەند).
د پارچە ڤیدیۆیاندا کچ و کوڕان پەشێمانیا خۆ دەردبڕی وەک
دگوت، ل هەمبەر کارێ وان کری دووبارە ناکەن، دگەل گوتنا هندەک گوتنێن نە ژ هەژی ل
دەمێ پەشێمانبوونێ د گوتنێن خۆدا، لسەر وی بابەتی ژی ئێن ئاڕ تی راپۆررتەک بەلاڤکر
و پشترا دەستەیا مافێ مرۆڤی گوت، کو دێ ڤەکۆلینان دەستپێکەن.
وەک ل دەستپێکێ هاتیە زانین، گۆڤەند بتنێ کەسەک نینە
بەلکو ل بن وی ناڤی چەند کەسێن هەڤئاوایی وی باندەکی کار کریە و زێدەتر ژ ٢٠ کوڕ و
کچێن گەنج ل تۆڕا جڤاکیا کلاب هاوس کەفتینە داڤێن وی.
ژبلی بەلاڤکرنا وێنە و ڤیدیۆیان باندی هزاران دۆلار ژ کچ
و ژنان وەرگرتینە.
..