PM:03:50:29/09/2025
520 جار خوێندراوەتەوە
+
-
وەلاتیێن گوندێ تاژیکا یێن سەر ب ناحیا سەرسنکێ
ڤە ل دژی رێگری کرنا ئاڤا کرنا خانیان دناڤ گوندێ وان دا ژلایێ حکومەتا دەم بسەرڤەچووی
ڤە رێکا سەرەکیا دهۆک – ئامێدی داخستن.
ئەڤرۆ دووشەمبی، لدویف زانیاریێن دیجیتال میدیایا ئێن ئاڕ تی، حکومەتا دەم بسەرڤەچووی رێگری ل وەلاتیێن گوندێ تاژیکا کریە
کو خانیان دناڤ گوندێ خۆ دا ئاڤا بکەن و ب وی سەدەمی وەلاتیێن وی گوندی رێک گرتیە
و داخاز دکەن رێک ب وان بهێتە دان گوندێ خۆ ئاڤا بکەن.
وەلاتیەکێ وی
گوندی ژی بۆ ئێن ئاڕ تی راگەهاند، حکومەتا دەم بسەرڤەچووی رێکێ نادەت خانیان دناڤ
گوندێ خۆ دا ئاڤا بکەین.
ژلایەکێ دی ڤە ژی،
هەیاما حەفتیەکێ یە گوندنشینێن سەرتەنگێ ل سنورێ دهۆکێ خیڤەتا نەرازیبوونێ هەلدایە
و گرەڤگرتینە ژبەر کو حکومەتا دەم بسەرڤەچووی رێکێ ناددەت گوندێ خۆ ئاڤا بکەن و پارێزگارێ
دهۆکێ ژی سۆزەکا نە فەرمی ب وان دایە لێ چ کردار و کاغەزێن فەرمی نەگەهشتینە وان
گوندنشینان.
ئەڤە ژی د
دەمەکێدایە، دگەل نێزیکبوونا هەلبژارتنان حکومەتا دەم بسەرڤەچووی رێگریێ ل گوندنشینان
دکەت کو گوندێن خۆ ئاڤا بکەن و دیڤدا ب رێکا بەرپرسێن حزبی ئاریشەیێ چارەسەر دکەت،
بەشەکا وەلاتی و گوندنشینان دبێژن، ئەڤە شانۆگەریێن بانگەشەیا هەلبژارتنێ نە.
D-kh