PM:05:13:30/09/2025
88 جار خوێندراوەتەوە
+
-
تۆرا
هەڤپەیمانا 19 بزاڤێن توندوتیژیێ هەمبەر شاسوار عەبدولواحیدی، سەرۆکێ ڤەلڤینا
نەوەی نوێ، ژبەر رەخنەگرتنێ شەرمزار دکەت، داخاز ژ خاچا سورا نێڤدەولەتی و
کۆمسیۆنا بلندا مافێ مرۆڤی ل عێراقێ دکەت بۆ هەوالپرسینا ساخلەمی و مامەلەیا خراب
دگەل دا ب زویترین دەم سەرەدانێ بکەن.
ئەڤرۆ
سێشەمبی، تورا هەڤپەیمانا 19 د راگەهاندنەکێ دا دبێژیت، رێبوار عەبدورەحمان، ئەندامێ
پەرلەمانێ نەوەی نوێ ل پەرلەمانێ عێراقێ بۆ وی راگەهاندن، ل دەمێ برنا سەرۆکێ نەوەی
نوێ بۆ دادگەها سلێمانیێ، هێزەکا چەکدارا یەکێتیێ کو نێزیکی 50 چەکداران بوون، ب
ئاوایەکێ نە ژهەژی مامەلە دگەل شاسوار عەبدولواحید کرینە.
پەرلەمانتارێ
نەوەی نوێ بەحس ل وێیەکێ ژیکر، ب توندی سەرەدەری دگەل شاسوار عەبدولواحید هاتیەکرن
و هاتیە ئەشکەنجەدان، ب ئاوایەکێ کو کەلەمچە د دەسێ ویدابوو ب کەمەچێ راکێشاینە و
بویە ئەگەرێ برینداربوونا وی.
تورا هەڤپەیمانا
19 گوت ژی، د بەرنامێ جیهانی یێ مافێ مرۆڤی دا، روونی بەحس ل وێیەکێ دکەت کوهەمی
کەسی مافێ ژیان و ئازادیێ و ئاسایشا کەسی هەیە، نابیت چ کەس بهێنە ئەشکەنجەدان و
مامەلەیەکا درندانە و نەمرۆڤانە ببیت یان کەرامتا مرۆڤی بشکێنن.
سەرۆکێ
ڤەلڤینا نەوەی نوێ دژی هێزیێن پۆلیسان و ئەفسەران نەبوویە و بزاڤا دەربازبوونێ و
رەڤینێ نەکریە، چەک و ئاسن ڤێ نەبووینە، تا ب هێز بهێتە راگرتن.
دبێژیت ژی،
تۆرا ١٩ دگەل رێزگرتنێ یە ل دەستەهەلاتا دادگەهێ و دادوەری و هەمی ئەوێن ل هۆلا
دادگەهێ بەرهەڤ دبن، ئەگەر تۆهمەتباری رەفتارەک یان دەربرینەک هەبیت و کە ببیتە
رێزنەگرتن ل دادگەهێ، رێنمایین هایدارکری، یان دەرکرن ل هۆلا دادگەهێ، یان هەر
رێبنمایەکا یاسایی بکەن، نەک بکارئینانا هێزێ و ئێشاندنا تۆهمەتباری.
ئەڤەژی د
دەمەکی دایە، دەمژمێر حەفتێ سپێدێ، رۆژا ئێکشەمبی، بێ هایدارکرنا بەری وەخت یا پارێزەر و کەس و کارێن وی، شاسوار
عەبدولواحید سەرۆکێ ڤەلڤینا نەوەی نوێ ژ لایێ هێزەکا ئەولەهیا یەکێتی ب کەلەبچەیێ
هاتە ڤەگوهاستن بۆ دادگەهێ.