AM:10:07:30/09/2025
604 جار خوێندراوەتەوە
+
-
ئەڤرۆ جڤاتا وەزیرێن عێراقێ دێ کۆمبیت و ژێدەرەکی ژی ل حکومەتا عێراقێ
بۆ ئێن ئاڕ تی راگەهاند، چاڤەڕێ دهێتەکرن د کۆمبوونێ دا بڕیار لسەر هنارتنا
مووچەیێ هەشت ژی بهێتەدان، هەڤدەم ئەڤرۆ یان سوبەهی بڕیارە مووچەیێ هەیڤا حەفت بگەهیتە
هەرێمێ.
ئەڤرۆ سێشەمبی، بڕیارە جڤاتا وەزیرێن عێراقێ ب سەرپەرشتیا محەمەد شیاع
سودانی، سەرۆکێ جڤاتا وەزیرێن عێراقێ کۆمبوونا خۆ یا ئاسایی ل بەغدا ئەنجام بدەت.
لدویف زانیاریان وەزیرا داراییا عێراقێ ئیمزا لسەر هنارتنا مووچەیێ
هەیڤا حەفت کریە و نڤیسارا خەرجکرنێ ژی ل نڤیسینگەها تەیف سامی بۆ تەمامکرنا
رێکاران بۆ بەشێ هویربینیان هاتیە هنارتن، پشتی هویربینیان ژی دێ بۆ بەشێ پارەدانێ
هێتە هنارتن و پارەیێ مووچەیێ هەیڤا حەفت یێ مووچەخۆرێن هەرێما کوردستانێ دێهێتە
خەرجکرن.
هەڤدەم، ژێدەرەکی ل حکومەتا دەم بسەرڤەچووی راگەهاند دگەل گەهشتنا
پارەی دێ دەست ب دابەشکرنا مووچەی هێتەکرن.