AM:10:20:30/09/2025
96 جار خوێندراوەتەوە
+
-
هەشت ولاتێن عەرەبی و ئیسلامی ئەڤرۆ پێسوازی ل راگەهاندنا پێشنیازا سەرۆکێ ئەمریکا کر بۆ
داوی ئینان ب شەڕێ ئیسرائیلێ بۆ سەر غەززە و ئاڤەدانکرنا وێ و رێگریکرن ل
ئاوارەبوونا گەلێ فەلەستین و پێشخستنا ئاشتیا هەمی لایان.
ئەڤرۆ سێشەمبی، هەر ئێک ژ وەزیرێن دەرڤەیێن سعودیە، ئوردن، ئیمارات، ئەندنۆسیا،
پاکستان، تورکیا، قەتەر و مسرێ د راگەهاندنەکا هەڤپشکدا بەلاڤکر، پێشوازیێ ل
بزاڤین دلسۆزیێن دۆنالد ترەمپ، سەرۆکێ ئەمریکا بۆ داوی ئینانێ ب شەڕێ غەززە دکەن
باوەڕی ب شیانێن وی هەیە بۆ ڤەدیتنا رێکەکێ بۆ ئاشتیێ.
وان وەزیران تەکەز ل گرنگیا هەڤپشکیا دگەل ئەمریکا ل چەسپاندنا ئاشتیێ
د دەڤەرێ دا کر، "بەرهەڤیا خۆ بۆ هەڤکاریێن ئەرێنی و ئاڤاکەر دگەل ئەمریکا
ولایەنێن پەیوەندیدار بۆ داوی ئینان ب رێککەفتنێ و دەستەبەکرنا بجهئینانا ئاشتی و
ئاسایشێ و ئارامیێ بۆ گەلێن دەڤەرێ دووپاتکر".
وان هەشت ولاتان پابەندبوونا خۆ بۆ کارکرنێ دگەل ئەمریکا بۆ داوی
ئینان ب شەڕی ل کەرتێ غەززە ل رێکا ریککەفتنا هەمەلایەنی دووپاتکر کو گەرەنتیا
گەهاندنا بێ سەربەستیا هاریکاریێن مرۆڤیە بۆ کەرتێ غەززە، و رێگریکرن ل ئاوارەبونا
فەلەستینیان، ئازادکرنا دیلان، دامەزراندنا میکانزمەکێ ئەمنی کو گەرەنتیا ئاسایشا
هەمی لایان بکەت، ڤەکیشنا ئیسرائیلێ و
ئاڤەدانکرنا غەززە.