PM:07:11:07/05/2023
532 جار خوێندراوەتەوە
+
-
هەیا دهێت زێدەتر نێزیک دبین ژ دەمێ هەلبژارتنا
چارەنڤیسازا تورکیا، وەسا دهێتە دیتن ڤێ جارێ ژی کورد، رزگارکەرا پرۆسەیا سیاسی
بیت ل تورکیا.
کورد کو قوربانیا سەرەکی یا سیستەمێ حکومرانیێ یە ل
تورکیا، دۆزا وان هاتیە پشت گوهـ هاڤێتن و دژایەتیا سیاسەتا وان دهێتە کرن و د
ئێخنە زیندانێ دا، لێ کوردان ئەویەک ژبیرنەکریە ب گروتینەکا دی هاتینە مەیدانێ،
لگۆڕ ناڤەندێن نیڤدەولەتی، وەسا دهێتە دیتن کوردببیتە ئێک ئالیکەرا چارەنڤیسا هەلبژارتنا تورکیا.
د وێ کڤانێ دا ئاژانسا بلۆمبێرگا ئەمریکی د راپۆرتەکا خۆ
دا ئاماژە ب وێیەکێ کر، پارتا چەپا کەسک کو پارتا دیموکراتی گەلانە، هەدەپە ب رێکا
وێ پارتێ پشکداریا هەلبژارتنان دکەت، کورسیێن وێ زێدەببن و ببیتە هێزا ئێک ئالیکەر
ل تورکیا.
بلۆمبێرگێ د راپۆرتا خۆ دا نڤیسایە،
"سیاسەتمەدارێن کورد کو ژ لایێ رەجەڤ
تەیب ئەردۆغان ب 'تیرۆرست' هاتینە بناڤکرن، د نهادا بووینە هێزەکا مەزنا
ئۆپۆزسیۆنێ بۆ داوی ئینان ب دەستهەلاتا ئەردغانو رەنگە ببنە هێزەک د پەرلەمانی دا کو باندۆری لسەر دەستهەلاتا بریاردانێ
هەبیت و پەرلەمانەکی پێکبئینن کو چ ئالیێن سیاسی نەشێن ب تنێ بڕیارێ بدەن".
بلۆمبێرگ ئاماژە ب وێیەکێ کر کو پشتەڤانیا پارتا چەپا
کەسک ژ کەمال کلیچدار ئۆغلۆ بەربژێرێ ئۆپۆزسیۆنێ گرنگیەکا ئێک ئالیکەر هەیە و
سەدەم ژی ئەوە، ئەردۆغان پشتی هەلبژارتنێن ٢٠١٨ێ گڤاشتنەکا زۆر ئێخستیە سەر هەدەپە
و پشتی هەلبژارتنا ١٤ێ ئایارێ، رەنگە سیاسەتمەدارێن کورد پشتی چەند سالان ببنە
خودانێ سەنگەکا بەرچاڤ د پەرلەمانی دا.
ئەویەک ژی ئەشکراکریە، پارتی چەپا کەسک کو ژبەر مەترسیا
داخستنێ، هەدەپە ب وێ رێکێ پشکداریا هەلبژارتنا پەرلەمانی کریە، پێشبینی دهێتە کرن
ببیتە سێیەم مەزنترین پارت د پەرلەمانی دا و هژمارا کورسیێن وێ زێدە بکەن،
ئۆپۆزسیۆن تنێ ب پشتەڤانیا چەپا کەسک کو ئالیگرێن وێ کوردن و هەڤپەیمانیا چەپکانە،
دێ بیتە هێزا ئێک ئالیکەر د پەرلەمانی دا.
دانیار فاروق