PM:12:18:27/04/2024
1320 جار خوێندراوەتەوە
+
-
وەزارەتا
کارەبا حکومەتا رێڤەبرنا کارێن هەرێمێ ڕاگەهاند، قەرەبوویا بەشەکا زۆرا زیانێن
کێمبوونا بەرهەمئینانا کارەبێ هاتیە کرن. دبێژیت ژی، " ئاستێ بەرهەمئینانا
کارەبێ ل زەڤیا کۆرمۆر دووبارە گەهشتە هزار و ٦٠٠ مێگاواتان".
پشی کو شەڤا
دەربازبووی ژبەر هێرشا سەر کۆرمۆر وەزارەتا کارەبێ ڕاگەهاندی، ژبەر وێ هێرشێ
هنارتنا گازێ بۆ وێستگەهێن بەرهەمئینانا کارەبێ راوەستیایە و نێزیکی دوو هزار و
٥٠٠ مێگاواتێن کارەبێ کێم بووینە، د نهادا قەرەبوویا بەشەکا زۆرا زەرەران هاتیە
کرن.
وەزارەتا
کارەبا حکومەتا رێڤەبرنا کاران ڕاگەهاندیە، شیاینە قەرەبوویا بەشەکا زۆرا زیانێن
کێمبوونا ٢٥٠٠ مێگاواتێن بەرهەمئینانا کارەبێ بکەن و ئاستێ بەرهەمئینانا کارەبێ بگەهینە
١٦٠٠ مێگاواتان و رێک نەدایە ڤەمراندنا گشتی د سیستەمێ کارەبێ دا رووبدەت.
ئەویەک ژی
هاتیە، د نها دا وەزارەتا کارەبێ چاڤەرێی چارەسەرکرنا جهێ هێرشێ و دەستپێکرنا
پەستانا گازێ دایە بۆ هەرسێ وێستگەهێن هەولێر و سلێمانی و بازیان.
ئەڤە ژی د
دەمەکی دایە، دوهی ئەینیێ بۆ جارا هەشتێ زەڤیا غازا کۆرمۆر هاتە ب ئارمانج گرتن و
دوو دەنگێن بهێز د ناڤا وێ زەڤیێ دا هاتنە بهیستن کو ب وێ سەدەمێ زەنگا هایدارکرنێ
هاتە لێدان، ژبەر هێرشان ژی، چار کەسان ژیانا خۆ ژ دەستدان.