PM:07:11:08/05/2024
160 جار خوێندراوەتەوە
+
-
سەرۆکێ ڤەلڤینا نەوەی نوێ ڕاگەهاند، پارتی و یەکێتی ب رێککەفتنێن ڤەشارتی
داخاز کرینە هەلبژارتنێ بئێخنە د سالا بهێت دا، دەربارێ مووچەی ژی گوت، بەغدا ب
مەرجەکێ دێ مووچەی هنێریت کو فەرمانبەرێن هەرێمێ ل بەنکێن عێراقی هژمارێ ڤەکەن.
ئەڤرۆ چارشەمبی، شاسوار عەبدولواحید سەرۆکێ ڤەلڤینا
نەوەی نوێ د کۆنفرانسەکا رۆژنامەڤانی دا ئاماژە ب وێیەکێ کر، ئێکەمجارە پارتی و
یەکێتی ب ڤی ئاوایێ نها ژ هەلبژارتنێ بترسن و دڤێت تا کو سالا بهێت هەلبژارتن
نەهێتە کرن، لێ نەوەی نوێ دێ ل دادگەها فیدرالی سکالایێ لسەر حکومەتا رێڤەبرنا
کاران تۆمارکەت تا ب دەم بسەرڤەچووی و هەلوەشاندی ل قەلەم بهێتە دان.
بەحسا وێیەکێ ژیکر، د
داهاتی دا هەر تێشتەکێ روویبڕووی خەلکێ کوردستانێ ببیت پارتی و یەکیتی ژێ بەرپرسن،
ژبەرکو ژپێخەتەت چەند کورسیان سەرکێشیێ ب خەلک و هەرێمێ دکەن و دڤێت ١١ کورسیکێن
کوتایان بزڤڕینن و ئەگەر پێنج کورسیکێن کوتایان بهێنە زڤڕاندن دێ لسەر حسابا پارتی
و یەکێتی بیت.
دەربارێ مووچەیی
راگەهاند، رێککەفتنەک هەیە مووچەیێ دوو مەهێن دی یێن هەرێمێ بهێتە هنارتن، لێ
بەغدا دێ ب مەرجەکی مووچەیێ مووچەخۆرێن هەرێمێ هنێریت کو فەرمانبەرێن هەرێمێ ژ
لقێن بەنکێن عێراقێ هژماراێ دروست بکەن و دەمێ دوو سالانە نەوەی نوێ بزاڤان دکەت
بۆ ڤەکرنا لقێن بەنکێن ڕەشید و ڕافیدەین ل هەرێمێ.
ئەو یەکژی بەرچاڤکر،
"پێدڤیە فەرمانبەر ئازاد بیت ل هەر بەنکەکا بڤێت هژمارێ ڤەکەت و ئەڤا دهێتە
گوتن کو بەنکا بازارگانیا عێراقی هاتیە ناڤ هژمارا من دویرە ژ ڕاستیێ و ئەو مووچەخۆرێن
ل هژمارا من هژمارا بەنکێ دروست کری پێدڤیە بچنە سەر بەنکێن عێراقێ".
شاسوار عەبدولواحید ئەو
یەکژی راگەهاند، نەوەی نوێ ئێکەم هێز بوو ل دادگەها فیدرالی پەرلەمانا کوردستانێ
هەلوەشاندی و تاکە هێزن دەنگێ خەلکی نەگۆهڕیە ب پۆست و پارەی.