PM:09:01:26/04/2024
108 جار خوێندراوەتەوە
+
-
رێڤەبەرێ کۆمپانیا پترۆئۆیل
بۆ ئێن ئاڕ تی، د هێڕشا سەر زەڤیێن غازا کۆرمۆر چار کەسان ژیانا خۆ ژ دەستداینە و
سێ کەسێن دی برینداربووینە.
لەزگین مشیر ئاغا ڕێڤەبەرێ
کۆمپانیا پترۆئۆیل بۆ ئێن ئاڕ تی راگەهاند، د هێرشا ئەڤڕۆ دا بۆ سەر زەڤیێن غازا
کۆرمۆر چار کەسان ژیانا خۆ ژ دەستداینە و سێ کەسێن دی برینداربووینە.
ئەو یەکژی بەرچاڤکر،
ئەو کەسێن ژیانا خۆ ژ دەستداین وەلاتین ولاتێ یەمەنن، ئەوێن برینداربووی وەلاتیێن
ولاتێ پاکستانن و بۆ دەما سێ بۆ چار مەهانە ب مەرەما کار کرنێ هاتینە زەڤیێن
کۆرمۆر.
ئێڤاریا ئەڤڕۆ ئەینی،
ب بالەفڕێن بێ بالەفڕڤان هێرش بۆ سەر زەڤیێن غازا کۆرمۆر هاتە ئەنجام دان و د
ئەنجام دا چار کەسان ژیانا خۆ ژ دەستدان و سێ کەسێن دی برینداربوون.
هەڤدەم، وەزارەتا کارەب و سامانێن سروشتی یێن حکومەتا رێڤەبرنا کارێن
هەرێمێ راگەهاند، بسەدەما هێرشا درۆنی بۆ سەر زەڤیێن غازا کۆرمۆر هنارتنا گازێ بۆ
وێستگەهێن بەرهەمئینانا کارەبێ هاتیە ڕاوەستاندن و ژبەر هندێ نێزیکی دوو هزار و
٥٠٠ مێگاواتێن کارەبێ کێمبووینە.
تائیف گۆران - دهۆک