PM:05:26:29/03/2024
708 جار خوێندراوەتەوە
+
-
سەرۆکێ لژنەیا دارایی ل پەرلەمانێ عێراقێ
راگەهاند، بڕیارە ل حەفتیا بهێت بودجەیێ سالا ٢٠٢٤ـێ عێراقێ ب مەرەما پێداچوون و سەر
ڕاستکرنێ بهێتە پەرلەمانێ. دبێژیت ژی،"بودجەیێ ئەڤسالە چ ئاریشەیەک تێدا نینە
و مووچەیێ هەمی مووچەخۆران یێ پاراستیە".
ئەڤڕۆ ئەینی، عەتوان عەتوانی سەرۆکێ لژنەیا
دارایی ل پەرلەمانێ عێراقێ ب ئاژانسا هەوالی یا "بەغداد یەوم" راگەهاند،
بودجەیی ئەڤسالە یی عێراقێ ب تەمامی هاتیە بەرهەڤکرن و بڕیارە ب مەرەما پێداچوونێ
و دەنگ دان لسەر پەسەندکرنێ، ل حەفتیا بهێت بنێرن بۆ پەرلەمانێ.
ئاماژە ب وێیەکێ ژیکر، د بودجەیێ سالا ٢٠٢٤ـێ
دا چ ئاریشەیەکا دارایی نینە و ب تەمام بودجە وەکو خۆ دهێتە جێبەجێ کرن، ئەڤەژی
پشتی وێیەکێ دهێت کو وەزارەتا داراییا عێراقێ تەکەز ژ وێیەکێ کر چ قەیرانێن دارایی
روونادەن.
بەحسا وێیەکێ ژیکر، بودجەیێ ئەڤسالە هەڤبەری
بودجەیی سالێن بووری ب مەزنترین بودجە دهێتە دانان کو ب تیکڕا پێکهاتیە ژ ٢٢٨
تڕلیۆن دینارێن عێراقی. گوت ژی،" د بەدجەیا ئەڤسالە مووچەیێ مووچەخۆرێن
عێراقێ یێ پاراستیە و چ ئاریشە لهەمبەر پاشخستن و دابەشنەکرنا مووچەی دا نینە".
هەڤدەم، نڤیسینگەها سەرۆک وەزیرێن عێراقێ
راگەهاند، حکومەتێ دەست ب بەرهڤیێن بودجەیا سالا ٢٠٢٤ـێ کریە و شایستە دارایێن
هەمی پارێزگەهان دێ هێنە زێدەکرن.
ژلایەکێ دیڤە، وەزارەتا پلان دانان عێراقێ بۆ
ئێن ئاڕ تی راگەهاند، بسەدەما رێکار و پلانان شیاینە رێکێ ژ قەیرانا دارایی بگرن و
پێنگاڤ ژی بۆ کێمکرنا کۆرتیئینانا بودجەیێ ئەڤسالە و سالا بهێت هاڤیتینە..
ئەڤەد دەمەکی دایە، یاسایا بودجەیێ عێراقێ بۆ سالا ٢٠٢٣،٢٠٢٤،٢٠٢٥، ١٩٨ تڕلیۆن
و ٦٨٣ ملیار و ٧١٩ ملیۆن و ٤٧٢ هزار دینارە و بۆ هەر سالەکێ بهایێ بەرمیلەکا
پەترۆلێ ب بهایێ ٧٠ دۆلاران هاتیە بنەجهـ کرن و بهایی ١٠٠ دۆلاران ب بهایێ فەرمی یێ
بەنکا ناڤەندی هاتیە پەسەند کرن.