سەرۆکێ ئەمریکا دبێژیت، مە دگەل چینێ رێکەفتنەکا نوی ئەنجامدا، میدیایێن ئەمریکا دبێژن، رێکەفتن دەربارەی ب بلەزکرنا هنارتنا کانزایێن کێم وێنە بۆ ئەمریکا.

وەزارەتا بازرگانیا عێراقێ دبێژیت، قۆناغا دووێ یا پرۆژەیێ کارتا ئەلیکترۆنی یا خارنێ و دەستپێکریە و رسومات ئێخستینە سەر.

پەیڤدارا کۆمسیۆنا هەلبژارتنێن عێراقێ راگەهاند، وان دەست ب هویربینی کرنێ کریە ل لیستا ناڤێن بەربژێران بۆ هەلبژارتنا پەرلەمانێ عێراقێ و گوت ژی، هەر کەسەک بزاڤان بکەت بنپێکاریان بکەت و دەستکاریا بەلگەنامەیێن کۆمسیۆنێ بکەت، دێ هێتە سزادان.

شەڤا دەربازبووی کچەکا دی یا ئێزدی هاتە رزگارکرن کو ل سالا 2014ـێ پشتی کۆنترۆلکرنا شنگال ژلایێ گروپێن چەکدار ڤە هاتبوو رەڤاندن.

بڕیارە دوو شاند بهێنە هەرێمێ، ئێک ژ وان تەکنیکییە و ئێک ژی شاندێ بلندە، شاندێ تەکنیکی بۆ گۆتۆبێژان دەربارەی پرسا مووچەی و هنارتنا پەتڕۆلا هەرێمێ گەهشتینە هەرێمێ، بڕیارە هەر ئەڤرۆ شاندێ بلند ژی بگەنە هەرێمێ.

نووچەگەهانێ ئێن ئاڕ تی راگەهاند، کرێکارەکی ددەمێ کارکرنێ دا ل ئاڤاهیەکێ دهۆکێ د قاتێ ٢٣ـیێ دا کەفت و ژیانا خۆ ژدەستدا.

لدیف راپۆرتەکا CNN، ئەگەر هەیە ئەمریکا نێزیکی ٣٠ ملیار دۆلاران تەرخانبکەت بۆ گۆهڕینا پێگەهێ ئەتۆمیێ فۆردۆیێ ئیرانێ بۆ بنگەهەکێ مەدەنی.

ژێدەرەکی بۆ ئێن ئاڕ تی راگەهاند، بەرێ سپێدەیا ئەڤرۆ کچەکا ئێزدی کو ل سالا ٢٠١٤ـێ ژلایێ تیرۆرستانڤە هاتبوو رەڤاندن هاتە رزگارکرن.

هەر ئونسەیەکا زێڕی د بازارێن جیهانێ دا، ب سێ هزار ٢٩٦ دۆلاران بازار پێ هاتەکرن و هەڤبەر ب دوهی بهایێ وی زێدەتر ژ ٣٠ دۆلاران هاتییە خار ، بهایێ زێرێ عەیار ٢١ ژی ب ٦٥٤ هزار دینارن.

بهایێ بەرمیلەکا پەتڕۆلا خاڤا برێنت ب ٦٨ دۆلار و ١١ سەنتان بازار پێ دهێتەکرن و هەڤبەر ب دوهی بهایێ وێ دۆلارەکی بلندبوویە.

فەرمانگەها میدیا زانیاریا هەرێمێ دبێژیت، گەشتێن ئەسمانیێن بالەفڕخانەیا نێڤدەلەتیا هەولێرێ بۆ ئەوروپا، سوباهی دێ دەستپێکەن.

ساخلەمیا ئیرانێ ئامارا کوشتی و بیرندارێن شەڕێ ولاتێ خۆ دگەل ئیسرائیلێ بەلاڤکر دبێژیت، دڤی دەمیدا ٦٢٧ کەس ددەڤەرێن جۆدایێن ئیرانێ ژیانا خۆ ژدەستدایە، رێبەرێ بلندێ ولاتی ژی دبێژیت، ئەگەر ئەمریکا دوبارە هێرشێ بکەتە سەر مە، دێ جارەکا دی بەرسڤێ دەین.

ژێدەرەکی بۆ ئێن ئاڕ تی راگەهاند، بڕیارە ئەڤرۆ شاندەکێ بلند ل حکومەتا عێراقێ، ب ئارمانجا گۆتۆبێژان دەربارەی ئاریشەیا مووچە و هنارتنا پەتڕۆلا هەرێمێ، دێ سەرەدانا هەولێرێ کەت، گوت ژی، بڕیارە جێگرێ سەرۆک وەزیرانێ عێراقێ ژی بەشدارببیت.

عەلی خامنەیی رێبەرێ بلندێ ئیرانێ د پەیامەکێ دا راگەهاند، پیروزباهیا سەرکەفتنا هەوە دکەم لسەر ئیسرائیلدا، دبێژیت، ئەمریکا دڤی شەری دا چ دەسکەفتەک بدەستڤەنەئینا و ئیرانێ زلەهەک بهێز ل ئەمریکا دا.

ژێدەرەکێ بۆ ئێن ئاڕ تی گوت، نیڤرۆیا ئەڤرۆ دوو کورێن بەرپرسەکێ پارتی دەستدرێژیا گولەیان ل شوفێرێ بار هەلگرەکێ دکەن و ب گرانی بریندار دکەن.

پشتی کو بڕیار بۆ ئەڤرۆ ل سلێمانیێ خوپێشاندان بهێنەکرن بۆ داخازکرنا مووچە و مافێ مامۆستا و فەرمانبەران لێ رێگری لێ هاتە کرن ژ لایێ هێزێن ئەولەهیێ ڤە ڤە و پشکەک ژ روژنامە ڤانان هاتنە دەستەسەرکرن.

سەقاناسیا هەرێمێ دبێژیت، ئەڤرۆ لەزاتیا هەوای ل روژهەلاتێ هەرێمێ دێ چالاک بیت و سوبەهی دێ پلەیێن گەرمێ بلندبن.

ئەپیکور دەربارەی هنارتنا پەتڕۆلا عێراقێ ب هێلێن بۆریا پەتڕۆلا عێراق – تورکیا راگەهاندنەک بەلاڤکر و تەکەز ل گرنگیا و لەز کرن هێلێن بۆریا پەتڕۆلا عێراق – تورکیا دکەت و دبێژیت، زێدەتر ژ ٣٠٠ هزار بەرمیلان بۆ بازارێن جیهانی زێدە دکەت.

ژێدەرەک ژ نەخوشخانا هەوارهاتنا هەلەبجە ب ئێن ئاڕ تی گوت، ژ بەر تەقینا مینەکێ ل سنورێ پارێزگەها هەلەبجە، سێ کەسان ژیانا خوژدەست دا و سێ کەسێن دی برینداربوون.

وەزارەتا بازرگانیا عێراقێ وەلاتیان ئاگەهدار دکەت و دبێژیت، ئەو شاشیێن د دەمێ نویکرنا کارتا ئاهێن خارنێ دا دروستدبن ب ئاوایەکێ توماتیکی دێ هێنە چارەسەرکرن.

هەر ئونسەیەکا زێڕی د بازارێن جیهانێ دا، ب سێ هزار ٣٣٥ دۆلاران بازار پێ هاتە کرن و هەڤبەر ب دوهی بهایێ وی نێزیکی هەشت دولاران بلندبوویە ، بهایێ زێرێ عەیار ٢١ ژی ب ٦٦٢ هزار دینارن.

بهایێ بەرمیلەکا پەتڕۆلا برێنت ب ٦٧ دۆلار و ٩٠ سەنتان بازار پێ دهێتە کرن و هەڤبەر ب دوهی بهایێ وێ دۆلارەکێ هاتە خار.

ڤەلڤینا نەوەی نوێ ناڤێن سەرۆک لیستان بۆ هەلبژارتنا خولا شەشێ یا پەرلەمانێ عێراقێ بەلاڤکرن.

نێچیرڤان بارزانی و کونسولێ هۆلەندا ل هەرێمی کۆمبوون رەوشا نها یا رۆژهەلاتا ناڤەڕاست گۆتوبێژ کر.

د بەرسڤا ئاخفتنێت مەسرور بارزانیدا شاسوار عەبدولواحید، سوپاسیا خۆڕاگریا وەلاتییان نەکەن، بەلکی سوپاسیا بنەمال و کۆمپانیایێن خۆ بکەن کو ب ملیاران دۆلارێن وەلاتییان دزینە و بێژنە وان ئەوان پاران ڤەگەڕینن و مووچەی پێ دابەشبکەن. گوت ژی، پارتی و یەکێتی جارەکا دی ل هەلبژارتنا دەربچن رەوشا خەلکی سەدجاران هندی نها دێ خرابتربیت.

وەزارەتا دراییا عێراقی دبیژیت، پشکا سیێ ژ پارێ گەنمێ جوتیاران خەرج کر بۆ سالا ٢٠٢٥، کو کوژمێ وێ ٥٠٠ ملیار دینارن و دبێژیت، ئەڤ پینگاڤە د بازنێ پابەندبوونا وەزارەتێ دهێت بۆ پشتگریکرنا کەرتێ چاندنی.

فراکسیۆنا نەوەی نوێ ل پەرلەمانێ عێراقێ دبێژیت، د دەمەکێدا خەلکێ کورستانێ ب گشتی و مووچەخۆر چاڤەرێ بوون حکومەتا دەم بسەرڤەچووی لسەر دابەشکرنا مووچەی بڕیارێ بدەت، لێ سەرۆکێ حکومەتا دەم بسەرڤەچووی جارەکا دی شکەستنا خۆ و جێگرێ خۆ سەلماند و دبێژیت، مووچە ب مە ناهێتە دان دگەل وێیەکێ کو ٢٣ ترلیۆن دینار لبەردەستێ وان دایە یێ داهاتێ ناڤخۆ و پەترۆلێ.

سەرۆکێ حکومەتا دەم بسەرڤەچوویی دبێژیت، قەیرانا مووچەیی بەرەڤ دووماهیێ ڤەدچیت و سوپاسیا وەلاتیان و مووچەخوران دکەم کو خوراگربوون. دبێژیت، هێڤیدارم دگەل بەغدا بگەهینە رێکەفتنا و مووچەی دابەش بکەین و ئەگەر نەگەهینە رێکەفتنێ دابەشکرنا مووچەیی هەرێمێ دێ یاب زەحمەت بیت.

ژبەر کێمبوونا ئالوزیێن دناڤبەرا ئیران و ئیسرائیل، رێڤەبەراتیا گشتی یا حەج و عومرەیا هەرێما کوردستانێ دبێژیت، هەیڤا داهاتی، گەشتێن عومرێ دێ ل هەرێما کوردستانێ دەسپێکەن.

د شەرێ ١٢ رۆژان دا دناڤبەرا ئیران و ئیسرائیل دا، ل هەردوو وەلاتان دا نێزیکی ٦٣٩ کەس هاتینە کوشتن و زێدەتر ژ ٥ هزار و ٥٧٢ کەس هاتینە بریندارکرن.