سەرنووچە:

کازمى د چەند رۆژێن داهاتى دا دێ سەرەدانا ئەمریکا کەت

AM:08:48:11/07/2021

2424 جار خوێندراوەتەوە

+ -

ژێدەرەکێ سیاسی ژ سەرۆکایەتیا جڤاتا وەزیرێن عێراقێ ڕاگەهاند، مستەفا کازمی سەرۆک وەزیران ب نیازە ل چەند رۆژێن داهاتى دا سەردانا ئەمریکا بکەت و دگەل جۆ بایدن سەرۆکێ وى وەلاتى بجڤیت.

ب گوتنا هەمان ژێدەر، گازیکرنا فەرمی ژ ئەمریکا گەهشتیە مستەفا کازمی هەیا کو سەرەدانا وى وەلاتى بکەت و دگەل سەرۆکێ ئەمریکا گۆتۆبێژێ دەربارەى هژمارەکا دۆسەیان بکەن، وەک دیالۆگا ستراتیژی و سروشتێ برێڤەبرنا قۆناغا داهاتى دگەل چارەسەرکرنا ئاریشەیێن هەلاویستى د عێراقێ دا.

هەڤدەم، بڕیارە ژى بەحسا چەند دوسەیێن دى یێن ئالوز وەک وزە و کارەب و هەماهەنگی یا ستراتیژیی بکەن.

سەردانا مستەفا کازمی بۆ ئەمریکا د دەمەکى دایە، هێرشێن گروپێن چەکداری یێن شیعەیێن نێزیک ژ ئێرانێ دژى هێزێن ئەمریکا و بارەگایێن شاندیێن بیانی د زێدەبوونێ دایە.

گەلەری