رێڤەبەریا هاتن و چوونا هەولێرێ ڕاگەهاند، ب مەرەما پاراستنا ژیانا وەلاتیان و شۆفێران بڕیاردان ب داخستنا تونێلا پیرمام ب روویێ باڕهەگران دا و ئەو بڕیارە ژ سوبەهی ڤە دێ چیتە د بیاڤێ جێبەجێکرنێ دا، دبێژیت ژی، "باڕهەلگر دشێن رێکا بەستۆرە و مەکردان بکاربئینن".
دەستەیا سەقاناسیا عێراقێ ڕاگەهاند، ژ سوبەهی پێدا پێلەکا باران بارینێ بەرەڤ دەڤەرێن عێراقێ دێ هێت و ل رۆژا سێشەمبی و چارشەمبی دێ هێتە گۆهرین بۆ باران بارینا مامناڤەند و بهێز دگەل نزمبوونا پلەیێن گەرمێ، دبێژیت ژی، ل رۆژا پێنجشەمبی کارتێکرنێن وێ پێلێ لاواز دبن.
پەیڤدارێ وەزارەتا کارەبا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند، بزاڤێن خۆ دژۆار تر کرینە بۆ کو ژ بیاڤێ تەکنیکی ڤە هناردەیا گازێ ل زەڤیا کۆرمۆر ئاسایی ببیتە ڤە و دگەل ئاسای بوونا هناردەیا غازێ دشێن د هەیاما کێمترین ٢٤ دەمژمێران دا رەوشا دابەشکرنا کارەبێ ئاسایی بکەنە ڤە.
بەرپرسێ لقا چاڕا پارتی ڕاگەهاند، پارتی و یەکێتی دوو حزبێن مەزنن و سوبەهی دێ بچیک بن و دێ ژناڤچن، دبێژیت ژی، "ئەم دەستی تەوقەیێ بۆ هەڤدوو ب رادەستکرن دزانین و وێ ڤەقەتیانێ وەساکریە یاریێ ب چارەنڤیسێ خۆ بکەین".
سەرۆکێ هەڤپەیمانیا فەتح ڕاگەهاند، ئاریشەیا مووچەیێ مووچەخۆرێن هەرێمێ هاتیە چارەسەرکرن، دبێژیت ژی، "لدیف بڕیارێن دادگەها فیدرالی، پێدڤیە مووچەیێ مووچەخۆرێن هەرێمێ بهێتە ب بانکی کرن".
سەرۆکا فراکسیۆنا نەوەی نوێ ل پەرلەمانێ عێراقێ ڕاگەهاند، پاشخستنا هەلبژارتنێ نەیاساییە و نابیت هێزێن سیاسی رادەستی ئالیێن دەستهەلاتا هەرێمێ ببن، دبێژیت ژی، "نەوەی نوێ ئەگەر وەکی تاکە لایەن دژی پاشخستنا هەلبژارتنێ بمینیت، دێ لسەر ئیرادەیا خۆ بین و ژبلی ئیرادەیا گەلێ مە، رادەستی ئیرادەیا چ لایەنێن دی نابین".
سەرۆکێ هەڤپەیمانیا دەولەتا یاسا ڕاگەهاند، حکومەتا عێراقێ دێ بەردەوام بیت ژ هنارتنا پارەیێ مووچەیێ مووچەخۆرێن هەرێمێ، دبێژیت ژی، "لدیف دەستوری ئاریشەیا مووچەی دێ چارەسەرکەن".
دژی نەبوونا خزمەتگوزاریان، خۆنیشاندانا وەلاتیان دەست پێکر و وەلاتیێن وی باژێری دبێژن، "باژێرێ مە ژ هەمی خزمەتگوزاریان هاتیە پشت گوهـ هاڤێتن".
ژ ترسا تۆلەیا خەلکی، پارتی و یەکێتی ژ بزاڤێن خۆ بەردەوامن بۆ پاشخستنا هەرلبژارتنا گەڕا شەشەما پەرلەمانێ کوردستانێ و ڕێکەفتینە کو پێکڤە کار بکەن بۆ پاشخستنا هەلبژارتنێ.
سەقاناسیا هەرێمێ پێشبینیێن سەقایێ ئەڤرۆ و سوبەهی ئەشکرا کر و ڕاگەهاند، ژ سوبەهی ڤە باران بارین دێ دەستپێکەت.
لدیف زانیاریێن ئێن ئاڕ تی، شەڤا دەربازبووی د جڤینا ئالیێن سوننەیان دا بڕیار لسەر دیارکرنا سەرۆکەکێ نووی بۆ پەرلەمانی هاتیە دان.
هویربینی بۆ لیستا مووچەیێ فەرمانبەرێن هەرێمێ ل وەزارەتا داراییا عێراقێ دەست پێکر و ژێدەرەکێ هایدار ژی بۆ ئێن ئاڕ تی ڕاگەهاند، د دوو رۆژێن بهێت دا هویربینیا تەمام دبیت و پارەیێ مووچەی دێ هنێرن.
پەرلەمانێ عێراقێ کارنامەیا رووینشتنا ئەڤرۆ یا پەرلەمانی بەلاڤکر و ڕاگەهاند، دەنگدان لسەر چار پرۆژە یاسایان دگەل خاندنا ئێکێ بۆ پرۆژە یاسایەکێ دێ هێتە کرن.
ئەندامەکێ لژنەیا ئابووری و پیشەسازی و بازرگانی ل پەرلەمانێ عێراقێ ڕاگەهاند، رەنگە سەرەدانا سەرۆک وەزیرێن عێڕاقێ بۆ سعودیا، ببیتە سەدەمێ وێ یەکێ کو سعودیا ژی هەڤئاوایێ قەتەر و ئیمارات پشکداریێ د پرۆژەیێ رێکا گەشەپێدانێ دا بکەت.
سەرۆکێ لژنەیا دارایی ل پەرلەمانێ عێراقێ ڕاگەهاند، دهێتە چاڤەرێکرن حەفتیا بهێت خشتەیێ بودجەیێ سالا ٢٠٢٤ـێ رەوانەی لژنەیا داراییا پەرلەمانێ عێراقێ بهێتەکرن.
پەیڤدارێ وەزارەتا ڤەگوهاستن و گەهاندنا هەرێمێ بۆ دیجیتال میدیایا ئێن ئاڕ تی ڕاگەهاند، پێلەکا باران بارینێ دەڤەرێن هەرێمێ ڤەدگریت و ب وێ سەدەمێ ژی پلەیێن گەرمێ ب ئاوایەکێ بەرچاڤ دێ هێنە خار.
پشتی کو دوهی ل ناحیا ئەترویش سنێلەیەک د ئاڤێ دا خەندقی ئەڤرۆ پۆلیسێن دهۆکێ ڕاگەهاند، تەرمێ وی هاتە دیتن.
پەرلەمانتارەکێ پەرلەمانێ عێراقێ بۆ ئێن ئاڕ تی ڕاگەهاند، دناڤبەرا عێراق و هەرێما کوردستانێ رێکەفتن دەربارەی ب بەنکی کرنا مووچەیێ مووچەخۆرێن هەرێمێ هاتیە کرن و د دەمەکێ نێزیک دا دێ چیتە بیاڤێ جێبەجێکرنێ. دبێژیت ژی، "پشت بەستن ب بەنکێن عێراقێ بۆ جێبەجێکرنا بڕیارا ب بەنکی کرنا مووچەی دەمەکێ کێمتر پێدڤیە و گرنگترە بۆ مووچەخۆران".
وەزارەتا کارەبا حکومەتا رێڤەبرنا کارێن هەرێمێ ڕاگەهاند، قەرەبوویا بەشەکا زۆرا زیانێن کێمبوونا بەرهەمئینانا کارەبێ هاتیە کرن. دبێژیت ژی، " ئاستێ بەرهەمئینانا کارەبێ ل زەڤیا کۆرمۆر دووبارە گەهشتە هزار و ٦٠٠ مێگاواتان".
پەیڤدارێ وەزارەتا دەرڤە یا ئەمریکا ڕاگەهاند، پێدڤیە حکومەتا رێڤەبرنا کاران و عێراق ب هەڤبەندی لدویف ئەنجامدەرێن هێرشا سەر زەڤیا غازا کۆرمۆر دا بچن. دبێژیت ژی، "ژپێخەمەت سەروەریا ئاخ و سەقامگیریا ئاسایشا دەڤەرێ دگەل هەرێما کوردستانێ و عێراقێ زێدەتر کارێن خۆ بەرەف پێش دبەین".