AM:09:04:06/07/2022
880 جار خوێندراوەتەوە
+
-
پشتی کو شەڤا دەربازبووی، دوو وەیزیرێن حکومەتا جۆنسنی دەست ژ کارێن خۆ
ڤەکێشای، بتنێ کێمەکی پشتی وێ بوویەرێ بۆریس جۆنسنێ سەرۆکوەزیران ڕاگەهاند، نەدیم
زەهاوی پۆستێ وەزیرێ دارایی وەردگریت و ل جهێ ریشی سوناک دەستبکار دبیت.
ژیێ زەهاوی ٥٥ سالن، پێشبینی دهێتەکرن ڕاستی ئاستەنگی گەلەک قەیرانان ببیت ژبەر
وێ ڕەوشا کو د ولاتێ واندا دروست بوویە د نهادا و پێتڤی دکەت ڕاستی گڤاشتنان ببیت
باجان کێمبکەت ژ وی ئاستێ بلندێ د نهادا هەیە کو بلند ترینە ل دەما دەهان سالێن دەربازبوویدا.
زەهاوی پێشتر ل وەزارەتا پەروەردێ کار کریە و پشترا و پشتی کارکرنێ ل هەر
دوو وەزارەتێن بازرگانی و پەروەردە و وەرگرتنا چەند ڕۆلێن جودا، ل سالا ٢٠٢٠ دا وەک
وەزیرێ دەولەتێ بۆ چاڤدێریکرنا ڤاکسینا کۆرۆنایێ هاتیە دانان و جۆنسنی ژی داخاز ژێ
کریە زەهاوی یاسایێن تایبەت ب کابینەیا وی دابرێژیت.
نەدیم زەهاوی، ژدایکبوویێ سالا ١٩٦٧ێ یە ل باژێرێ بەغدا ل عێراقێ و دئەسلدا
کوردە و ل خێزانەکا کورد ژدایک بوویە و ژ سالا ٢٠١٠ڤە ئەندام پەرلەمانێ بەریتانیایە
و ل سالا ١٩٧٦ و د ژیێ نەهـ سالیێ دا بوویە دەمێ کو خێزانا وی ل سەردەمێ سەدام حسێنی
عێراق بەرەڤ بەریتانیا بجهـ هێلا.
د نهادا ب ئێک ژ سیاسیێن دیارێن بەریتانیا دهێتەدانان، پێشترژی دناڤ حکومەتا
بەریتانیادا چەند پۆست و بەرپرسیارێتی دناڤ حکومەتا بەریتانیادا وەرگرتینە ژوان ژی،
وەزیرێ دەولەتێ بۆ کاروبارێن خێزانی و وەزیرێ دەولەتێ بۆ کاروبارێن وەرگرتنا ڤاکسینێ
و وەزیرێ پەروەردیا بەریتانیا.