PM:04:49:21/05/2022
888 جار خوێندراوەتەوە
+
-
سەرۆکێ ئەمریکا ڕاگەهاند،
بەرهەڤە هەڤدیتنێ دگەل سەرۆکێ کۆریا باکور بکەت؛ ئەگەر د گۆتوبێژاندا راستگۆ و جددی
بیت.
ئەڤرۆ شەمبی جۆ بایدن
سەرۆکێ ئەمریکا ڕاگەهاند، بەرهەڤە هەڤدیتنێ دگەل کیم جۆنگ ئونێ سەرۆکی کۆریا باکور
بکەت ئەگەر د گۆتوبێژاندا راستگۆ و جددی بیت و نیازپاقژیا خۆ نیشان بدەت. د سەرەدانا خۆدا بۆ ئاسیا
و کۆریا باشور ب تایبەت، د کۆنفرانسەکا رۆژنامەڤانیدا ل سی ئۆل، پشتی جڤینێ دگەل یون
سوک یۆل سەرۆکێ کۆریا باشور جۆ بایدن گۆت، "دەربارێ وی بابەتی کو ئایا دێ
هەڤدیتنێ دگەل سەرۆکێ کۆریا باکور کەت یان ژی نە، ئەڤە ب تەمامی بەندە ب وێ کو هەیا
چ ڕادەیەکی کیم جۆنگ ئون جددییە د ڤی بابەتیدا و بەرهەڤە ب نیازا باش ئاریشەیان گۆتوبێژ
بکەت."
ئەڤە د دەمەکیدایە، بایدنی
ئێکەم سەردانا خۆ وەکی سەرۆکێ ئەمریکا بۆ ولاتێن ئاسیا ئەنجامدا و پشتی کو گەهشتە
کۆریا باشور دگەل سەرۆکێ وی ولاتی جڤیا و وەسا بڕیارە پشتی کۆریا باشور، سەردانا
ژاپۆن بکەت.